राष्ट्रिय गौरबको कालीगण्डकी करिडोर आयोजनामा पर्ने बेनी–मालढुंगा सडक स्तरोन्नतीको काम ठप्प बनेको छ । म्याग्दी र मुस्ताङलाई राष्ट्रिय राजमार्गसँग जोड्ने सडकखण्ड अलपत्र पारेर ठेकेदार भागेका छन् ।
सडकखण्डलाई तिब्रता दिन बेनी नगरपालिका–९ गलेश्वरबाट आवश्यक निर्माण सामाग्री लगेपनि अन्यत्रा प्रयोग गरेपछि अहिले फेरीनिर्माण सामाग्रीको अभाव देखाउँदै निर्माण ब्यवसायीले सडक ठप्प पारेर क्षर्तीपुर्तीका लागि अदालत जाने चेतावनी दिएसँगै सडकखण्डको काम लामो समयसम्म अलपत्र पर्ने देखिएको छ ।
१३ किलोमिटर दुरिको मालढुङ्गा–बेनी सडक स्तरोन्नतिका लागि विस २०७७ चैतमा एपेक्स–खड्का–कृष्ण जेभीले रु ५२ करोड ८६ लाख रुपैयाँमा ठेक्का सम्झौता गरेको थियो । ३० महिनाभित्र सम्पन्न गर्ने गरी सम्झौता भएपनि अहिले सम्म ४२ प्रतिशत मात्र काम भएको छ । सम्झौता अनुसार समयमै काम हुन नसक्दा यो सडक हुँदै आउजाउ गर्ने हजारौ यात्रुहरु जोखिमपूर्ण यात्रा गर्न बाध्य भएका छन् ।
उत्तर दक्षिण जोड्ने राष्ट्रिय गौरवको कालीगण्डकी कोरीडोर आयोजना अतर्गत बेनी–जोमसोम–कोरला सडक आयोजना मार्फत १३ किलोमिटर दुरिको मालढुङ्गा–बेनी सडक स्तरोन्नतिका लागि वि.स. २०७७ चैतमा एपेक्स–खड्का–कृष्ण जेभीले रु.५२ करोड ८६ लाख रुपैयाँमा ठेक्का सम्झौता गरेको थियो ।
कालीगण्डकी करिडोर आयोजना जोमसोमका इन्जिनियर तथा साईड इन्चार्ज अच्युत विलाश पन्तका अनुसार ०८० पुससम्म म्याद थप भएको बताए। ‘थप गरिएको अवधि समेत अब दुई महिना मात्र बाँकी छ,‘गत वर्षनै सम्पन्न हुनुपर्ने सडक भएपनि ठेक्का सम्झौता अुनसार निर्माण सामाग्रीको प्रयोग गर्न नपाएपछि ढिलाई भएको हो‘ पन्तले भने ।
गत माघदेखि ठप्प बनेको काम असारदेखि शुरु भएको भएपनि फेरी दशैदेखि ठप्प बनेको इन्जिनियर पन्तले बताए । ठेक्का सम्झौतामा नजिकै रहेको कालीगण्डकी नदीबाट निर्माण सामाग्री उत्खनन गरेर सडक निर्माणमा प्रयोग गर्ने उल्लेख भएपनि निर्माण कम्पनीलाई नदिजन्य बस्तु उत्खनन् गर्न नदिईएपछि समयमै काम सम्पन्न हुन नसकेको ठेकेदारको तर्क छ।
पर्वतको कुश्मा नगरपालिका–१ मा पर्ने मालढुङ्गाबाट जलजला गाउँपालिकाको ८, ७, ४ र ३ नम्बर वडा हुँदै म्याग्दीको सदरमुकाम बेनी जोड्ने सडक निर्माण सामाग्रीको अभाबमा रोकिएको हो । १३ किलोमिटर लामो उक्त सडकमा अहिले यात्रा गर्न सकस हुने गरेको छ । सडकमा रहेका ठुला ठुला खाडल, हिलो र ढुंगा तथा पहिरोका कारण जोखिमपुणर् बनेको छ । म्याग्दी सदरमुकाम बेनी र मुस्ताङ आवतजावत गर्ने सवारीसाधनहरु हिउँदमा धुलाम्मे र वर्खामा हिलाम्मे हुने गरेका छन् ।
मालढुंगादेखि वेनी सम्मको १३ किलोमिटर पार गर्न २० मिनेटको गन्तब्य अहिले करिब १ घण्टा समय लाग्ने गरेको छ । सडकखण्डको प्रयोग धेरै म्याग्दीबाट हुने भएकाले म्याग्दीका सरोकारवाला निकायले ठेकेदारको बदमासीप्रति सतर्कता हुदै निर्माण साम्रागीका लागि सहज वातावरण बनाउनुपर्ने देखिन्छ ।
निर्माण कम्पनी एपेक्स–खड्का–कृष्ण जेभीले पटक पटक बेनी –जोमसोम–कोरल्ला सडक आयोजनालाई पत्र लेख्दै निर्माण सामाग्रीको व्यवस्थापन गरिदिन आग्रह गरेपनि कुनै सुनुवाई नभएपछि निर्माणकार्यले गति लिन नसकेको एपेक्स–खड्का–कृष्ण जेभीको सहायक कम्पनी ओमकारेश्वरका प्रतिनिधी अमृत दाहालले बताए । सडकको धेरै ठाउँमा सबबेस र बेस बिच्छाउने अबस्थामा पुगेको तर क्रसर उद्योगका लागि चाहिने कच्चा पर्दाथ नदीबाट निकाल्न नदिइएका कारण काम रोक्नु परेको दाहालको भनाई छ ।
