युएईमा रहेका म्याग्देलीहरुको साँझा संस्था मोना युएई द्वारा आयोजित दशैं तिहार विशेष शुभकामना आदान प्रदान तथा देउँसीभैलो कार्यक्रममा उत्साहजनक सहभागितामा सम्पन्न भएको छ ।
दशैंतिहारमा जन्मभूमि आउन नपाएकाहरुलाई चाडपर्वको खल्लो महसुस हुन नदिन मोनामा आवद्ध म्याग्देलीहरुको उपस्थितमा तिहार विशेष शुभकामना आदानप्रदान एवम् देउशीभैला कार्यक्रम गरिएको थियो । देउसीभैलो सहित नेपाली मौलिक गीतमा छम्छमी नाचेर म्याग्देली दाजुभाई तथा दिदिबहिनीले तिहारको खुसीयाली साटासाट गरेका थिए ।
म्याग्दीमा हुने विपद् तथा सामाजिक कार्य, विकास निर्माण तथा परोपकारी कार्यमा सहयोग गर्ने लक्ष्य सहित मोना युएईले दशैँ तिहारको अवसरमा आयोजित शुभकामना आदानप्रदान तथा देउसीभैलौ कार्यक्रम सम्पन्न गरेको मोना युएइका महासचिव काजीमान बुढाथोकीले बताए ।उनले चाडपर्वमा हुने कार्यक्रमले म्याग्देली बिचको एकता र सहकार्य थप बलियो हुने बताए ।
मोना युएईका संरक्षक प्रकाश कार्की, नेपाल एअर युएईका म्यानेजर अस्मिता सुवेदी पौडेल, र तिहार विशेष कार्यक्रमका संयोजक किरण खत्रीले मन्तव्य राखेका थिए । मोना युएईका अध्यक्ष सुवास राम्जालीले यूएईमा रहेका हरेक म्याग्देलीलाई मोनामा आवद्ध बनाएर संस्थागत गतिविधिलाई थप प्रभावकारी बनाउने बताए ।
उनले मोनामार्फत हुने हरेक गतिविधि म्याग्देली जनताको दुखसुखमा सर्मपित रहेको बताए । देउँसी भेलो कार्यक्रमलाई विशेष बनाउने संरक्षक प्रकाश कार्कीको परिवार र कार्यक्रम सफल बनाउन सहयोग गर्ने सहयोगदाता लगायतलाई धन्यवादसंगै आभार ब्यक्त गरेका थिए ।
कार्यक्रमका संयोजक खत्रीले प्रदेशमा रहेका म्याग्देलीहरुविचमा भाईचारा सम्वन्धलाई बलियो बनाउदै अघि बढ्न र हाम्रा परम्परागत संस्कृतिको जर्गेना साथसाथै रमाईलो गर्नका लागि कार्यक्रम आयोजना गरिएको बताए ।
भैली विशेष कार्यक्रम बनाउन यातायातको सुविधा उपलब्ध गराउने सल्लाकार वेल फगामी, उपाध्यक्ष टेक फगामी, सदस्य विनोद केसी र होम क्षेत्रीलाई मोना युएईले धन्यवाद दिएको छ ।
मोना युएईका अध्यक्ष सुवाश राम्जालीको अध्यक्षता र महासचिव काजीमान बुढाथोकीको संचालनमा भएको कार्यक्रममा युएईको बसाईलाई अन्त्य गर्दै नेपाल आउन लागेका सदस्य एवम् कलाकार तुल देवी पुन र भ्रमण रहेका बरिष्ठ उपाध्क्ष किरण खत्रीको परिवारलाई विदाई गरिएको थियो ।
