म्याग्दीको सदरमुकाम बेनीबाट ३ साता अगाडी बेपत्ता भएकी मंगला गाउँपालिका–३,बरंजाकी ३० बर्षिया पुष्पा सापकोटा आइतबार छिमेकी जिल्ला पर्वतको एक सामुदायिक बनमा मृतावस्थामा भेटिएकी छन् ।
गएको कात्तिक २१ गते विहान बेनी नगरपालिका–८,क्याम्पसचोकबाट सम्पर्कविहिन भएकी सापकोटाको आइतबार विहान करिब ९ बजे छिमेकी जिल्ला पर्वतको जलजला गाउँपालिका वडा नं ३ ठुलो सल्लेरी र भिरमुनी सामुदायिक बनमा वीभत्स अवस्थामा भेटिएको थियो ।
मृतक सापकोटाको अनुहार नचिनिने अवस्थामा बनको सबैभन्दा अफ्ठारो ठाउँमा भेटिएको प्रहरीले जनाएको छ । कात्तिक २१ गते विहान पौने ११ बजे मेडिकलबाट निस्किएपछि परिवारको सम्पर्कमा नआएपछि आफन्त, प्रहरीले तिब्र खोजी गरिरहेको स्थानको माथिल्लो क्षेत्रमा भिरबाट खसेको जस्तै देखिने गरी शब भेटिएको खोजीकार्यमा संलग्न आफन्तले बताएका छन् ।
मेडिकलमा काम गर्दागदैं हिडेको अवस्थमा कालिपुल हुदै गएकी सापकोटा करिब एकघण्टाभन्दा बढी पैदल हिडेर कसरी त्यहाँ पुगिन भन्ने बारेमा आफन्त र प्रहरीले समेत रहेत रहस्यमय भनेको छ ।
हराएको सूचना पाउनासाथ खोजतलासका लागि नेपाल प्रहरी, आफन्त र स्थानीय बासिन्दा खोजतलासमा जुटेको स्थानको माथिल्लो क्षेत्रमा शब भेटिएको छ ।
‘खोजीकार्य गर्दा निकै जोखिम र जानै नसक्ने ठाउँ भएकाले छोडिएको स्थानमै शब भेटिएको छ,‘घटनालाई गम्भीर भएर अनुसन्धान गर्न प्रहरीलाई अनुरोध गरेका छौ’मृतक पुष्पाका आफन्तले भने ।
मेडिकलमा काम गरिरहेको अवस्थामा अचानक निस्किएर जानु,आत्महत्याकै लागि भए नदी तथा अन्य विकल्प हुदाँहुदैं कसरी पुगिन भन्ने बारेमा गम्भीरतापूर्वक अनुसन्धान गर्न आफन्तले माग गरेका छन् ।
मृतक पुष्पाले आफूँ समस्यामा परेको बारेमा कसैलाई जानकारी नगराएको रबेपत्ता हुनुभन्दा अगाडी मेडिकलमा काम गरिरहेको अवस्थाको सिसीटिभी फुटेज, सञ्चालकसँगको कुराकानीमा समेत नदेखिएकाले घटना नियोजित हुनसक्ने भन्दै पोष्टमार्टमका लागि पोखरा पठाइएको छ ।
घटनास्थलमा पुगेका एक प्रत्यक्षदर्शीका अनुसार टाउकोमा धेरै चोट देखिएको र बाहिरबाट हेर्दा शरीरका अन्य भागमा चोट कम देखिएको बताउँदै आत्महत्या क्षणिक आवेगमा घटाइने घटना भएकाले त्यहाँसम्म पुग्नुको कारण समेत अनुसन्धानको पाटो रहेको बताए । मृतक सापकोटाको शब पोष्टमार्टमसँगै कपडा सहित थप अनुसन्धानका लागि फरेन्सिक ल्याब परीक्षणमा समेत पठाइने छ।
अस्पतालचोकस्थित नेशलन पाण्डे मेडिकलमा काम गर्दागदैं निस्किएकी पुष्पाको मोवाइल लोकेशनको अनुसन्धान गर्दा क्याम्पसचोकको टावर रेन्जभित्र रहेको देखिएको थियो । मृतक सापकोटाले लगाएको सिंक्री, चप्पल र मोवाइल भेटिएको छैन । घटनास्थल पर्वतमा पर्ने भएकाले थप अनुसन्धन पर्वत प्रहरीले गर्नेछ ।
