जापानमा पञ्चेबाजाको संरक्षणमा सक्रिय रहेको देउराली पञ्चेबाजा टोकियोले मोना अन्तराष्ट्रियका अध्यक्ष ददिवल खड्कालाई सम्मान तथा स्वागत गरेको छ । म्याग्देलीको साझा संस्था मोनाको अध्यक्ष खड्कालाई सम्मान गदैं समुन्द्रपारी पनि पन्चेबाचाको प्रर्बधनमा सघाउन अनुरोध गरिएको छ ।
कार्यक्रममा मोना आईईसीका अध्यक्ष खड्काले विश्वभर रहेका म्याग्देलीलाई एकाबद्ध बनाएर मोनामार्फत हरेक अभियान सञ्चालन गर्ने बताएका छन्। उनले जापानमा रहेका म्याग्देलीलाई मोनामा आवद्ध भएर म्याग्दीको कला र संस्कृतिको जर्गेना गर्ने कार्यमा सक्रिय हुन समेत अपिल गरे । देउराली पञ्चेबाजा टोकियोका अध्यक्ष देबेन्द्र भण्डारीले जापानमा पञ्जेबाजामार्फत म्याग्दीको कला र संस्कृतिको जर्गेनाको प्रयास भइरहेको बताए । उनले समुन्द्रपारी झनै जन्मभूमीको कला र संस्कृतिको प्रचारप्रसार आवश्यक रहेको बताए ।
सन् २०१२ मा स्थापना भएको देउराली पञ्चेबाजा टोकियो, जापानले भुकम्प पिडित, मृगौला पिडित, बाढी पिडित लगायत अन्य पिडितहरुलाई पनि सहयोग गर्दै आईरहेको छ । नेपाली कला संस्कृतीको जगेर्ना गर्नुका साथै दुखी गरिबहरुलाई सहयोग गर्ने संस्थाको मुख्य उदेश्य रहेको कार्य समिती सदस्य ढक प्रसाद जुग्जाली मगरले बताए । कार्यक्रममा मोनाका हरेक सार्वजनिक कार्यक्रमहरुमा पञ्चेबाजालाई आर्कषकको रुपमा प्रस्तुत गरिने बताइएको थियो ।
