मनोक्रान्तीका प्रणेयता, दार्शनिक तथा आध्यात्मीक डा. योगी विकाशानन्द तथा रेकी मास्टर कमलेश्वरी ज्यूको सानिध्यमा ज्ञान योग, ध्यान, हिप्नोसिस लगायत जीवन रुपान्तणको लागी एक दिवसीय कार्यक्रम सम्पन्न भएको छ । नविन आनन्द योग केन्द्र नेपालको आयोजनामा २०८० मंसिर १५ गते जिल्ला समन्वय समितिको सभाहलमा डा. योगी विकासानन्दले आध्यात्मीक सम्बन्धी विचार राखेका थिए ।
योग र ध्यान मार्फत मात्रै खुसी, आनन्द सम्भव भएको भनाइ । कार्यक्रममा हिप्नोसिस, इनर्जी परिक्षण लगायतका डेमो प्रस्तुत गरिएको थियो । संस्थाका अध्यक्ष सुरेन्द्रराज शर्माको अध्यक्षता, योग प्रशिक्षक तथा सदस्य दिपेन्द्र घमालको स्वागत, सन्दिप खत्रीको सञ्चालनमा कार्यक्रम सम्पन्न भएको थियो ।
कार्यक्रममा म्याग्दी जिल्लाका विभिन्न स्थानहरुबाट मानिसहरुको सहभागीता रहेको थियो । सदस्य दिपेन्द्र घमालले बेनीबजारमा नियमित योग साधनाको लागि हल निर्माणको अभियान जारी रहेको जानकारी गराउँदै सबैलाई आवश्यक सहयोग र हातेमालोको लागि अनुरोध गर्नु भयो । हाल बेनीबजार सहित म्याग्दीका विभिन्न स्थानहरुमा शाखा विस्तार गरी नियमित रुपमा योग साधना सञ्चालन भईरहेको समेत जानकारी गराउनु भयो ।
