म्याग्दीको बेनी नगरपालिका-७,मा सक्रिय न्यू दोभान युथ क्लबले दिवङ्गत पूर्वअध्यक्ष अनन्त गिरीको स्मृतिमा अक्षय कोष स्थापना गरेको छ । पहिलो र दोस्रो दोभान कप अन्तरविद्यालय छात्रा फुटबल प्रतियोगिताबाट बचत भएको ५ लाखको अक्षय कोष बनाइएको हो ।
क्लवमार्फत अक्षय कोष स्थापनार्थ भएका प्रतियोगिताबाट बचतलाई कोषमा जम्मा आगामी दिनमा ब्याजबाट क्लवका गतिविधि सञ्चालन गर्ने अध्यक्ष उपेन्द्र गिरीले बताए । उनका अनुसार अक्षय कोषलाई बृद्धि गदैं जाने बताए । अक्षय कोषको कार्यविधि सहित अन्य प्रक्रियाहरु समेत पूरा गरी घोषणा गरिने छ ।
बेनीबजारमा सक्रिय रहेको क्लवले खेलकुदसँगै अन्य सामाजिक कार्यमा समेत सक्रियता देखाउने बताए । छात्रालाई फुटबल खेलप्रति आकर्षित गर्ने उद्देश्यले हरेक बर्ष फुटबल प्रतियोगिताको आयोजना गदैं आएको क्लवले वडा कार्यालयसँग समेत समन्वय गरी विभिन्न सामाजिक कार्यमा सहभागिता जनाउँदै आएको छ ।
