गणेश पोवीसरा स्मृति कोषको आयोजनामा म्याग्दीको मंगला गाउँपालिका–१,कुहुँस्थित दिपशिखा माविमा पालिकास्तरीय खेलकुद प्रतियोगिता सुरु भएको छ ।
दिपशिखा माविको प्राङ्गनमा आयोजित मंगला गाउँपालिका स्तरीय छात्र–छात्रा भलिबल प्रतियोगिताको कोषका उपाध्यक्ष रुकबहादुर राम्जाली र भेषमायाँ राम्जालीले उद्घाटन गर्नुभयो ।
शिक्षा, स्वास्थ्य लगायत सामाजिक कार्यमा सक्रिय रहेको कोषले खेल प्रतिभाको पहिचानका लागि हरेक बर्ष प्रतियोगिता गर्ने गरेको विद्यालयका प्रधानाध्यापक डा।नन्दबहादुर खत्रीले बताउनुभयो ।
प्रतियोगितामा छात्रतर्फ ८ र छात्रातर्फ ५ टिमको सहभागिता रहेको छ ।प्रतियोगिताको उद्घाटन गदैं प्रमुख अतिथि रुकबहादुरले कोषमार्फत भविस्यमा थप रचनात्मक कार्यहरु समेत गरिने बताउनुभयो ।
समाजसेवी स्वर्गीय गणेशबहादुर र पोविसरा रोकाको स्मृतिमा छोरा मुक्ति रोका र परिवारले दिपशिखा माविमा १० लाखको अक्षय कोष स्थापना गर्नुभएको छ।
कुहुँ तुसारेपानी घरभई हाल अष्ट्रिलियामा बस्ने रोकाले स्वर्गीय बुबाआमाको स्मृतिमा स्थापना गरेको कोषमार्फत खेलुकद सहितका शैक्षिक गतिविधिलाई थप सहज बनाउन कोष बृद्धि गरी १० लाख पु¥याएर जिल्ला प्रशासन कार्यालयमा समेत दर्ता गरिएको छ ।
पोविसराले कहालीलाग्दो दुर्घटनामा ज्यान गुमाएपछि श्रीमान बि।स २०६३ सालमा तत्कालिन कुहूँ गाविसका सचिव गणेशबहादुर रोकाले दीपशिखा माविमा अध्ययन गर्ने बालबालिकाहरुलाई शैक्षिक पुरस्कार वितरण सुरु गर्नुभएको थियो । समाजसेवी रोकाको कोरोना संक्रमणको कारण निधन भएपछि कोषको नाम गणेशबहादुर र पोविसरा रोकाको स्मृति नामाकरण गरिएको थियो ।
उद्घाटन कार्यक्रमको अध्यक्षता विब्यस अध्यक्ष रिप्रसाद पुन, स्वागत प्रअ खत्री र सञ्चालन सहायक प्रअ हरिकृष्ण भट्टराइले गर्नुभएको थियो । सोही अवसरमा कोषले खेलकुद साम्रागी समेत वितरण गरेको थियो ।
