सातौं बागलुङ महोत्सवमा आयोजित गण्डकी प्रदेश खुल्ला महिला भलिबल प्रतियोगिता बिहिबारदेखि सुरु भएको छ ।प्रतियोगिताको पहिलो खेलमा प्रेम दाईको रेष्टुरेण्ट तंग्रामले धौलागिरी बहुमुखी क्याम्पस बागलुङलाई ३–० को सोझो सेटमा पराजित गरेको छ । तंग्रामले पहिलो सेट २५–१५, दोस्रो सेट २५–२२ र तेस्रो सेट २५–११ ले आफ्नो पक्षमा पारेको थियो ।
यस्तै बिहिबारको दोस्रो खेलमा नेपाल सुनचाँदी व्यवसायी संघ बागलुङ र काठेखोला गाउँपालिकालाई ३–० को सोझो सेटमा पराजित गरेको छ । सुनचाँदी व्यवसायी संघले २५–२०, २५–१३ र २५–१४ को सोझो सेटमा जित हात पारेको हो ।
प्रतियोगिता अन्तरगत भोली (शुक्रबार) पहिलो खेल गलकोट नगरपालिका–१० पाण्डवखानी र निर्माण व्यवसायी संघ बागलुङ विच हुनेछभने दोस्रो खेल नेपाल सुनचाँदी व्यवसायी संघ बागलुङ र नव मालिका युवा क्लब बागलुङका विच हुनेछ।प्रतियोगिताको विजेताले ५१ हजार १ सय ११ रुपैयाँ, उपविजेताले ३१ हजार १ सय ११ रुपैयाँ र तृतीय हुने टिमले २१ हजार १ सय ११ रुपैयाँ प्राप्त गर्ने भलिबल संयोजक सञ्जय कुमार श्रेष्ठले जानकारी दिनुभयो ।
