बेनी नगरपालिका विद्यालयस्तरीय एथलेटिक्स विधामा सर्वोत्कृष्ट प्रकाश माविकी सुष्मा नेपालीलाई शैक्षिक परामर्शदाता एभरेष्ट ग्लोवल एजुकेशन एन्ड भिसा सर्भिसेसले बेनी शाखाले शैक्षिक, खेलकुद र खाद्यान्न साम्रागी सहयोग गरेको छ । बेनी नगरपालिका–३,भकिम्लीकी १४ बर्षिया नेपालीको खेलकुद गतिविधिलाई सहज हुने गरी स्र्पोट्स जुत्ता, खाद्यान्न र शैक्षिक गरी १२ हजार बराबरको सहयोग हस्तान्तरण गरेको छ ।
अति विपन्न परिवारमा जन्मिएपनि बुबाको न्यानो मायाँ नपाई घरेलु काम गर्न बेनी झरेकी आमासँग बस्दै आएकी नेपालीको अवस्थाका बारेमा बेनीअनलाइनबाट समाचार प्रकाशित भएपछि एभरेष्ट ग्लोवका सिनियर काउन्सिलर सुमन बानियाँले सहयोग हस्तान्तरण गदैं आगामी दिनमा पनि सहयोगलाई आवश्यकता अनुसार निरन्तरता दिने बताए ।
‘खेल र शिक्षालाई सँगसँगै लैजानुपर्छ,‘समुदायसँगै मिलेर संस्थागत गतिविधलाई अगाडी बढाउन चाहन्छौ’ बानियाँले भने । उनले सुष्माको ब्यक्तिगत जिवन र परिवारिक अवस्थाका बारेमा बुझ्दा दुःख लागेको बताए ।
सोही अवसरमा खेलाडी सुष्माले अभाव र पीडाका बिच आमाले यहाँसम्म ल्याएको बताउँदै भविस्यमा खेल क्षेत्रबाट जिल्लालाई चिनाउने चाहना रहेको बताईन् ।
हालै बेनी नगरपालिकाकद्धारा आयोजित चौथो राष्ट्रपति रनिङ्ग शिल्ड खेलकुद प्रतियोगितामा एथलेटिक्स खेलका विभिन्न विधामा ४ स्वर्ण र १ रजत पदक जितेकी नेपालीले विद्यालयस्तर, नगर, जिल्ला र प्रदेशस्तरीय एथ्लेटिक्समा ३३ पदक जितेकी छन् ।, सुुष्मा एथलेटिक्स विधामा अलराउन्ड हुन् ।
भिरमुनीका दुई बालबालिकाको शैक्षिक अभिभावकत्व ग्रहण
बुबाको मृत्युपछि समस्यामा परेका बेनी नगरपालिका–५,भिरमुनीका दुई बालबालिकाको एभरेष्ट ग्लोवल एजुकेशन एन्ड भिसा सर्भिसेसले शैक्षिक अभिभावकत्व ग्रहण गरेको छ ।
दैनिकज्याला मजदुरी गरेर जीविका चलाउँदै आएका मिठे दर्जीको घाँस काट्न गएको समयमा रुखबाट लडेर मृत्यु भएपछि हरेक बषै शैक्षिक,खाद्यान्न र पोशाक र लत्ताकपडा सहयोग गदैं आइरहेको छ । निकै कष्टकर जीवन विताइरहेका अरुणा र अजित परियारलाई विद्यालयका प्रअ प्रेम बानियाँको उपस्थितीमा सहयोग हस्तान्तरण गरिएको हो ।
शुक्रबार बेनीमा रहेको शाखामा आयोजित कार्यक्रममा एभरेष्ट ग्लोवका सिनियर काउन्सिलर सुमन बानियाँ, म्यानेजिङ डाइरेक्टर अस्मिता केसीले उच्च शिक्षासम्म आवश्यक खर्च सुनिश्चितता गदैं सहयोग हस्तान्तरण गरिएको हो । यो सहयोगलाई उच्च शिक्षासम्म निरन्तरता दिने बेनी शाखाकी म्यानेजिङ डाइरेक्टर केसीले बताइन् ।
सहयोग हस्तान्तरण कार्यक्रमको सञ्चालन शाखाका बजार ब्यवस्थापक जगत गैरेले गरेका थिए । ।म्याग्दीबाट उच्च शिक्षाका लागि अष्ट्रेलिया, क्यानेडा, यूके लगायतका विभिन्न देशमा जान चाहने विद्यार्थीलाई अंग्रेजी भाषा परीक्षा आइएलटिएस कक्षा, शैक्षिक परामर्श,भिजा प्रोसेसिङको सम्पुर्ण डकुमेन्टेशन, ऐन, नियम कानुन र शिक्षा प्राणालीका बारेमा बेनीमै सेवा दिने गरेको छ ।
