महिला उद्यम विकास समिति म्याग्दीको दशौँ वार्षिक साधारणसभा तथा सातौँ अधिवेशनबाट सभापतिमा अम्बीका श्रेष्ठलाई सर्वसम्मतिले चयन गरिएको छ ।
आइतबार उद्योग बाणिज्य संघ म्याग्दीको सभाहलमा आयोजित अधिवेशनबाट बरिष्ठ उपाध्यक्षमा बिष्णु गुरुङ, प्रथम उपाध्यक्ष सृजना भट्टचन, द्धितिय उपाध्यक्ष दिलमायाँ घताने, महासचिव प्रमिला जोशी श्रेष्ठ, कोषाध्यक्ष गिता शर्मा रिजाल, सचिव कमला सुबेदी, सहकोषाध्यक्ष राधिका सापकोटा, सहसचिव गोमा भट्टराई शर्मालाई चयन गरिएको छ ।
अधिवेशनबाट सदस्यहरूमा चमन श्रेष्ठ, गंगाकुमारी खत्री, संगीता श्रेष्ठ ‐रोयल), तेजकुमारी महत, धनदेवी भण्डारी, संगीता श्रेष्ठ, रेणु मल्ल शाही, अस्मिता श्रेष्ठ, गंगा थापा कार्की, सरिता श्रेष्ठ, रेजिता बराल र निर्वतमान अध्यक्ष लक्ष्मी भण्डारी कार्की, आमन्त्रित सदस्यहरुमा गीता चापागाई, टिका आचार्य, शारीका थापा मगर,अम्बिका ढुंगाना, मिना कुमारी मल्ल, अस्मी महतलाई चयन गरिएको महासचिव प्रमिला जोशी श्रेष्ठले बताउनुभयो ।
अधिवेशनको बेनी नगरपालिकाका उपप्रमुख ज्योति लामिछानेले उद्घाटन गर्नुभएको थियो ।
अधिवेशनको उद्घाटन गर्दै नगर उपप्रमुख लामिछानेले महिलाहरु सिप विकास र उद्यमशिलतर्फ अग्रसर हुनुपर्ने विचार व्यक्त गर्नुभयो ।
अधिवेशनमा म्याग्दी उद्योग वाणिज्य संघका अध्यक्ष बेल बहादुर कटुवालले महिलाहरुलाई सशक्त बनाउन र उत्पादन तथा उद्यममा जोडिनका लागि महिला उद्यम विकास समितिको भूमिका महत्वपूर्ण भएको बताउनुभयो ।
म्याग्दी उद्योग वाणिज्य संघका पूर्व अध्यक्षहरु सुदर्शन कुमार श्रेष्ठ, कुविर कुमार श्रेष्ठ, जीवन कुमार विश्वकर्मा, जिल्ला समन्वय समितिका सदस्य जानकी विश्वकर्मा, बेनपा वडा नम्वर ६ का अध्यक्ष कृष्णसिंह बानियाँ, वडा नम्वर ७ का अध्यक्ष रमेश कुमार श्रेष्ठ, नेपाल पत्रकार महासंघ म्याग्दी शाखाका अध्यक्ष प्रकाश पौडेल, महिला उद्यम विकास समितिका पूर्व सभापति सृजना श्रेष्ठ लगायतले मन्तब्य राख्नुभएको थियो ।
अधिवेशनको अवसरमा उद्यमी सम्मान अन्तर्गत एसएस टेलरिङका संचालक सुकमाया रत्न र सुनिता टेलरका संचालक सुनमाया किसानलाई नगद सहित सम्मानपत्रले सम्मान गरिएको थियो ।
कार्यक्रमकै अवसरमा समितिद्वारा पौष १ गतेबाट संचालन गरिएको १५ दिने केश श्रृङ्गार तालिममा सहभागीहरुलाई प्रमाणपत्र वितरण समेत गरिएको थियो । प्रशिक्षक पिस साइन व्युटि होम बेनीका संचालिका प्रमिला जोशी श्रेष्ठलाई पनि सम्मान गरिएको थियो ।
समितिका सभापति लक्ष्मी भण्डारी कार्कीको अध्यक्षता र कार्यवाहक महासचिव प्रमिला जोशी श्रेष्ठको संचालनमा सम्पन्न भएको थियो । अधिवेशनले अम्विका श्रेष्ठको सभापतित्वमा नयाँ कार्य समिति समेत चयन गरेको छ ।
