जापानमा ७.६ म्याग्निच्युडको शक्तिशाली भूकम्पबाट प्रभावित भएका म्याग्देलीलाई सम्पर्कमा आउन म्याग्दी प्रवासी नेपाली संघ मोनाले सार्वजनिक अपिल गरेको छ ।
भूकम्पका कारण यामागाता, निगाता, तोयोमा, फुकुई, ह्योगो प्रिकेक्चरका तटीय क्षेत्रमा सुनामी आउन सक्ने चेतावनी दिइएको र घरहरु समेत भत्किएकाले सुरक्षित बस्न र समस्या भए सम्पर्क गर्न मोना जापानका अध्यक्ष विशाल केसीले अनुरोध गरे ।
‘अहिलेसम्म कुनै समस्यामा परेका म्याग्देली भेटिनुभएको छैन, भुकम्पपछिको अवस्था जोखिम नै हुन्छ, कुनै समस्या भए उद्धार र सहयोगका लागि टोली पुग्छ’ अध्यक्ष केसीले भने ।
उनले मोना जापानमार्फत महासचिव सागर कार्की, क्षत्रीय सचिव उज्जवल बानियाँको सम्पर्क नम्बर समेत सार्वजनिक गरेको छ । भुकम्प प्रभावित क्षेत्रमा म्याग्देलीको समेत बसोबास रहेकाले मोनामार्फत विभिन्न संघसंस्थासँग समेत समन्वय गरिएको छ।
