म्याग्दीको धवलागिरी गाउँपालिका-५,मलम्पार मल्कबाङकी मृर्गौला पीडित ३१ बर्षिया मायाँकुमारी छन्त्याललाई आर्थिक अभावको कारण उपचारमा समस्या भएको छ ।
विगत ८ बर्षदेखि निरन्तर दुई वर्षदेखि डाइलासिस गर्दै आउनुभएकी छन्त्यालले हप्तामा ३ पटक डाइलासिस गर्नुपर्ने भएपनि प्रयाप्त आर्थिकको अभावका कारण समस्या भएको बताउनुभयो । ‘मेरो उपचारमा आर्थिक सहयोगको आवश्यकता छ,भएको सबै पैसा सकियो’ पीडित छन्त्यालले भन्नुभयो ।
गण्डकी अस्पतालमा डायलासिस गदैं आउनुभएकी छन्त्यालले ब्यक्तिगत सहयोग जुटाएर अहिलेसम्म सहज भएपनि रकम अभाव भएपछि समस्या भएको बताउनुभयो ।
भएको सम्पूर्ण सम्पत्ति उपचारको क्रममा सकिएको र अब उपचार गर्ने कुनै माध्यम छैन्, छन्त्यालले भन्नुभयो । पीडित छन्त्यालले उपचारको लागि सहयोग गरिदिन आग्रह समेत गर्नुभएको छ । मृर्गौला प्रत्यारोपण नगर्दासम्म नियमित डायलासिस गर्नुपर्ने अवस्था रहेको पीडित छन्त्यालको भनाई छ ।
