म्याग्दी जिल्लालाई जापानमा चिनाउने उद्देश्यले म्याग्दी प्रवासी नेपाली संघ (मोना) जापानको आयोजनामा मोना फेस्टिवल सुरु भएको छ । आज शनिबार अर्थात अप्रिल २७ र २८ तारिखका दिन इताबासीमा सुरु भएको फेस्टिवलको उद्घाटन समारोहमा उत्साहजनक सहभागिता देखिएको छ । फेस्टिबलमा झाँक्री सहित विभिन्न भेषभुषामा नेपालीहरु उपस्थित भएका छन् ।
म्याग्दीको अर्गानिक उत्पादन, अल्लो, ढाकाको उत्पादनका साथै जिल्लाको पर्यटकीयस्थलहरुका बारेमा जानकारी सहित नेपाललाई नै चिनाउन आयोजित फेस्टिबलको केहीसमयपछि उद्घाटन गरिने मोना जापानले जनाएको छ ।
फेस्टिबलमा मोना अन्तराष्ट्रियका संस्थापक अध्यक्ष प्रकाश पुन, अध्यक्ष ददीवल खड्का,महासचिव सुनेश केसी, कोषाध्यक्ष नरेन्द्र फगामी, मोना कतारका पूर्व अध्यक्ष तिलु शर्मा पौडेल, मोना दक्षिण कोरियाका पूर्व अध्यक्ष कृष्ण सुञ्चेरी लगायत समेत पुगेका छन् । फेस्टिवलमा २४ स्टल राखिएकोमा म्याग्देलीको ४ देखि ५ स्टल राखिने छ ।मोना फेस्टिबलमा कुल ५० लाखभन्दा बढी नेपाली खर्च हुने बताइएको छ ।
तस्वीर सौजन्य तिलु शर्मा पौडेल, हिरा बुढाथोकी
