पर्वतको जलजला गाउँ पालिकाको आयोजनामा बन डढेलो तथा जोखिम ब्यबस्थापन सम्बन्धी अन्तरक्रिया कार्यक्रम सम्पन्न भएको छ । आइतबार गाउँपालिकाको कार्यालय लामाखेतमा जलजला गाउँकार्यपालिकाका पदाधिकारीहरू, सामुदायिक वन उपभोक्ता समितिका पदाधिकारी, डिभिजन वन कार्यालय पर्वतका कार्यालय प्रमुख र कर्मचारीहरू विच वृहत अन्तरकृया कार्यक्रम गरिएको हो । जलजला गाउँपालिका भित्रका ५९ वटा सामुदायिक बन उपभोक्ता समितिका प्रतिनिधिहरुको कार्यक्रममा सहभागिता रहेको थियो ।
कार्यक्रममा डिभिजन बन कार्यालय पर्वतका प्रमुख झ्याम नारायण सापकोटाले बन डढेलोको कारण, असर र त्यसको न्यूनीकरण सम्बन्धमा प्रस्तुतीकरण गर्नुभएको थियो । उहाँले अहिले सम्मको आंकडा अनुसार पर्वत जिल्लामा सबैभन्दा बढी बनडढेलो जलजलाको बन क्षेत्रमा हुने गरेको समेत बताउनुभयो । त्यसैगरी डिभिजन बन कार्यालय पर्वतका सुचानाधिकारी राम बहादुर बि.क.ले गण्डकी प्रदेशका सबै जिल्लाको मार्च २४ सम्मको बन डढेलोको तथ्यांक प्रस्तुत गर्नुभएको थियो ।
कार्यक्रममा सहभागीहरुले बन ऐनको जटिलता, व्यक्तिगत जग्गामा बढेको बनका कारण सामुदायिक बनलाई परेको अफ्ठ्यारो, बन्य जन्तुले पुर्याएको क्षतिपूर्ती समयमा प्राप्त गर्न नसक्नु, राहत उद्दार कार्यमा खटिने ब्यक्तीलाई सामाग्रीको ब्यबस्था नहुनु, वन ऐन उपभोक्तामैत्री नहुनु जस्ता सवाल उठाएका थिए ।सहभागीहरुले उठाएका प्रश्नहरुको डिभिजन बन कार्यालयका प्रमुख सापकोटाले जवाफ दिनुभएको थियो ।
कार्यक्रममा बन संरक्षण र विपद ब्यबस्थापन सम्बन्धमा योजना माग, सामुदायिक बनमा पानीको श्रोत कायम राख्न र बन्यजन्तुलाई पिउने पानीको लागी पोखरी निर्माण साथै बन पैदावारको प्रयोग सम्बन्धमा समेत छलफल र अन्तरक्रिया भएको थियो ।
कार्यक्रम बाताबरण तथा बिपत ब्यबस्थापन समितिका संयोजक वडा नं ५ का अध्यक्ष तिलक बहादुर जिसीको अध्यक्षता, गाउँपालिकाका प्रमुख प्रशासकिय अधिकृत फणिन्द्र प्रसाद आचार्यको स्वागत र जलजला गाउँ पालिकाका सुचानाधिकारी भेषनाथ आचार्यले संचालन गर्नुभएको थियो
