म्याग्दीको मंगला गाउँपालिका-१,पुर्ण गाउँ स्थित लाल युवा क्लबको अध्यक्षमा पुनः खगेन्द्र खत्री चयन भएका छन् । शनिबार आयोजित क्लबको १८ औं साधारणसभा तथा ९ औं अधिवेशनबाट वरिष्ठ उपाध्यक्ष सिजन गौचन,उपाध्यक्ष प्रवेश थजाली ,सचिव भरत अर्मजा,सहसचिव ऋषिकेश तिवारी,कोषाध्यक्ष विन्दु विकरहेका छन् ।त्यसैगरी सदस्यहरुमा कुमार विक,रबि राम्जाली,भविन्द्र राम्जाली,निशान पुन,कौशिला पुन,सुस्मिता पुन,सन्ध्या खत्री चयन भएका छन् ।
क्लबको सल्लाहकारहरुमा टेकबहादुर राम्जाली,गोविन्द सुवेदी ,अर्जुन आचार्य ,इश्वर आचार्य र शिव आचार्य रहेको क्लवका अध्यक्ष खत्रीले बताए । 
कार्यक्रममा निवर्तमान सहसचिव अर्मजाले आर्थिक प्रतिवेदन प्रस्तुत गर्नुभएको थियो भने निवर्तमान उपाध्यक्ष गौचनले संस्थागत प्रतिवेदन प्रस्तुत गरेका थिए । अधिवेशनको अवसरमा नवनिर्मित स्टेजको गण्डकी प्रदेश सभा सदस्य विमला गौचनले उद्घाटन गरेकी छन् ।
कांग्रेस म्याग्दीका पुर्व सचिव क्याप्टेन मिनबहादुर कार्की,वडा अध्यक्ष एकजित रोका,वडा सदस्य नरबहादुर खत्री,समाजसेवी इश्वर आचार्य ,क्लबका पुर्व अध्यक्ष तथा राष्ट्रिय जनजागृती माविका प्रअ टेक राम्जालीले मन्तब्य राखेका थिए । सांसद गौचनको पहलमा गण्डकी प्रदेश सरकारबाट दश लाख र क्लबले थप गरेर करिब साढे एघार लाख रुपैयाँमा स्टेज र पाँच लाख रुपैयाँ लागतमा खेलमैदानमा घेराबार गरिएको थियो ।
