उपचारका लागि पर्वत कुस्मा गएका म्याग्दीको बेनी नगरपालिका वडा नं ३ भकिम्लीका एकजना पुरुष चारदिन देखि बेपत्ता भएका छन् । श्रीमतिसँगै उपचार गरी कोठामा फर्किएका ५६ बर्षिया रेशमबहादुर नेपाली कुस्मामा रहेको बुहारीको डेराबाट निस्किएर नफर्किएको नाति दिपेन्द्र नेपालीले बताए।
गत बिहिबार साँझ ४ बजे कोठाबाट नेपाली कसैलाई जानकारी नदिई घरबाट निस्किएका थिए । आइतबारसम्म आफन्त र खोजीकार्य गर्ने सबै ठाउँमा खोज्दा समेत परिवारको सम्पर्कमा नआएपछि खोजीकार्य सुरु भएको परिवारका सदस्यले बताएका छन् । कुस्मा र बेनी प्रहरीलाई समेत हराएको बारेमा जानकारी गराइएको छ ।
