म्याग्दीको सदरमुकाम बेनीको कालरात्रि ब्यान्डले निरमोही म्यूजिक भिडियो बजारमा आएको छ । म्याग्दीमा साङ्गीतिक प्रस्तुति दिदैं आएको ब्यान्डले छिमेकी जिल्ला मुस्ताङमा छायांकन गरेको म्यूजिक भिडियो मायाँ, प्रेमसँग सम्बन्धित छ । दुई दशक अगाडी म्याग्दीको सदरमुकाम बेनीमा उदाएको कालरात्री ब्याण्डका मुख्य भोकलिष्ट सन्दिप श्रेष्ठले म्यूजिक भिडियोमार्फत ब्यान्डका शुभचिन्तक माँझ आएको बताए ।
‘म्याग्दीमा यूवापुस्ताको नजरमा परेको ब्यान्ड सक्रिय छ भन्ने सन्देश दिन सफल भएका छौ, यो गीतको प्रतिक्रिया राम्रो आएको छ’ श्रेष्ठले भने । म्याग्दीको सदरमुकाम बेनी बाहेक ग्रामिण क्षेत्र र पछिल्लो समय विभिन्न स्थानमा पुगेर कन्सर्ट समेत दिने गरेको छ । म्यूजिक भिडियोमा ब्यान्डका सदस्य जेनिश तामाङ, राजु खान,अनिष विश्वकर्मा रहेका छन् भने लिरिक्स लोकप्रिय गायक प्रकाश दुतराजको रहेको छ ।
