म्याग्दीको मंगला गाउँपालिका–३,पखेरकी शुसिला रोकाले बजारबाट सामान किनेर ल्याएका प्लास्टिकका झोलाबाट माला बनाउन भ्याईनभ्याई छ । विगत पाँचबर्षदेखि नकुहिने सामग्री शिशाजन्य, फलाम, प्लास्ट्रिबाट हस्तकलाका साम्रागी बनाएर बिक्री गर्ने, आफन्तलाई उपहार दिने गर्छिन ।
उनले आफुँले बजारबाट सामानसँगै ल्याउने प्लास्टिकका झोलामात्रै नभई गाउँघरमा फालेको समेत बटुलेर राख्छिन् । उनले प्रयोगमा आएका प्लास्टिकका झोलालाई सदुपयोग गरेर फूलका गुच्छाहरू, गमला र चकटी, माला लगायतका आर्कषक साम्रागी बनाएर बिक्री गर्ने गरेको बताइन् । ‘मैले बनाएको सामान विदेशसम्म पुगेको छ, अहिलेसम्म धेरै कमाइ नभएपनि फालेको फोहोर बटुलेर कमाइ गर्न सकिने रहेछ’ शुसिलाले भनिन् ।
उनले पछिल्लो समय करिब १ लाख बराबरको माल बिक्री गरेको बताइन् । अहिले उनले बुनेका फूलहरू बिक्री हुन थालेपछि धमाधम बनाउने गरेकी छन् । एउटा फूलको मालालाई ३ देखि ५ सयसम्म बिक्री हुन्छ । ५० रुपैयाँ देखि १ हजारसम्मको सामाना बनाउन सकिने भएकाले सीप हुनेले घरमै बसेर फोहोरबाट मोहोर बनाउन सकिने शुसिलाको भनाई छ ।
उनले बनाएका सामग्रीको बजारीकरणमा आफन्तर साथीभाईर इष्टमित्रले सघाएका छन् । घरेलु उत्पादनबाट सामानहरू बन्ने भएकाले यसको मूल्य पनि धेरै महँगो नहुने भएकाले आयआर्जनका लागि तालिम सञ्चालन समेत गरिएको मंगला गाउँपालिकाका अध्यक्ष सतप्रसाद रोकाले बताए ।
उनले घरबाट निस्किने फोहोर कुहिने र नकुहिने छुट्याई बिक्री गर्ने, पलाष्ट्रिकजन्य साम्रागीबाट विभिन्न किसिमका प्लास्टिक, सिसा, फलाम÷टिन, आल्मुनियम, रबरबाट विभिन्न किसिमका साम्रागी बनाएर समेत बिक्री गर्न समेत सघाउने अध्यक्ष रोकाको भनाई छ ।
काम नलाग्ने फोहोरलाई अस्थायी डम्पिङ साइटमा लगेर व्यवस्थापन गर्ने विधिसहितको तालिम प्रभावकारी भएपछि अहिले मंगला माविले समेत विद्यार्थीलाई हरेक शुक्रबार फोहोरबाट विभिन्न साम्रागी बनाउन सिकाउने गरेको छ ।
गाउँपालिकाले सबै वडामा आयातित भन्दा स्थानीयको उत्पादनलाई प्रोत्साहन गर्ने गरी सञ्चालन गरेको तालिमका सहभागीले समेत हस्तकला साम्रागी बनाउन थालेका छन् । फोहोर व्यवस्थापन तथा पुनः प्रयोगसम्बन्धी तालिम लिएकाहरूले नकुहिने फोहोरबाट आयआर्जन तथा कुहिने फोहोरबाट मल बनाउने गरेका छन् ।
