नेपालमा लायनवाद भित्रिएको ५३ बर्ष पछि पहिलो पटक डिष्ट्रिक्ट ३२५ आई नेपालले जेसी रोबिन्सन मेम्बरशीप ग्रोथ अवार्ड प्राप्त गरेको छ । लायन बर्ष २०२३र२४ मा लायन्स अन्तर्राष्ट्रिय डिष्ट्रिक्ट ३२५ आई नेपालले डिष्ट्रिक्ट गभर्नर चन्द्रकुमार केसीको नेतृत्वमा लायन्स अन्तर्राष्ट्रियमा पुर्र्याएको योगदान स्वरूप लायन्स अन्तर्राष्ट्रियले उक्त अवार्डबाट डिष्ट्रिक्टलाई सम्मान गरेको हो लायन्स अन्तर्राष्ट्रियले स्थापना गरेको अवार्ड विश्वका विरलै लायन्स डिष्ट्रिक्टले पाउँने अवार्ड हो ‘जेजेसी रोबिन्सन मेम्बरशीप ग्रोथ अवार्ड’ !’
लायन्स अन्तर्राष्ट्रियका तेस्रो अध्यक्ष जेसी रोबिन्सनले सन् १९१९ मा स्थापना गरेको सदस्यता वृद्धि कप विजेताको रूपमा सदस्यता वृद्धि अन्तर्गत नयाँ लायन्स सदस्य थप्नका लागि योगदान गर्ने, चालु लाईनिस्टिक बर्षमा निरन्तर क्रियाशील भई शतप्रतिशत उपस्थिति भई रिपोर्टिंग गरी योगदान गर्ने डिष्ट्रिक्टलाई उक्त अवार्डबाट सम्मानित गर्ने गरिन्छ ।
उक्त पुरस्कारमा डिष्ट्रिक्टको उच्च तहमा रहेका डिष्ट्रिक्ट गभर्नर, निवर्तमान वा पूर्व डिष्ट्रिक्ट गभर्नर, प्रथम वा दोस्रो भाईस डिष्ट्रिक्ट गभर्नरको नाममा जेसी रोबिन्सन कपमा उक्त अवार्ड कुँदिएको हुन्छ ।
अवार्ड प्राप्त पछि संक्षिप्त प्रतिक्रिया दिदैं डिष्ट्रिक्ट ३२५ आई नेपालका निवर्तमान डिष्ट्रिक्ट गभर्नर चन्द्रकुमार केसीले भने, ’लायनवादमा लागेरसेवा गर्नु नै आफ़ैमा पुरस्कार प्राप्त गर्नु हो लायन सदस्य हुन पाउनु र नयाँ सदस्य लायन्समा स्वागत दुवैपुरस्कार प्राप्त गर्नु हो यसका साथै मानवीय कार्यमा गरिएको सहयोग, निरन्तरता, कार्यकुशलता तथाकार्यक्षमताका आधारमा प्रोत्साहित गर्नु नै पुरस्कार हो ।
