म्याग्दीको धवलागिरी गाउँपालिका-५ मलम्पारमा एकजनाको हत्या भएको छ । घरायसी विवादमा झगडा हुदाँ ३९ बर्षिय सोमबहादुर छन्त्यालले ४२ बर्षिय धनबहादुर छन्त्याललाई चिरपट प्रहार गरी हत्या गरेका हुन् । अभियुक्त सोमबहादुरले एक्कासी चिरपट प्रहार गर्दा धनबहादुरको घटनास्थलमै ज्यान गएको जिल्ला प्रहरी कार्यालय म्याग्दीका प्रहरी निरिक्षक राजन रायमाझीले बताए ।
उनका अनुसार मंगलबार घटेको घटनाको जानकारी पाएलगत्तै बुधबार विहान इलाका प्रहरी कार्यालय दरबाङबाट प्रहरी निरीक्षक सोमदास ढकालको नेतृत्वमा टोली खटिएको थियो । हत्यामा संलग्न मृतक धनबहादुरका सहोदर भाइ हुन् । घटनाको प्रारम्भीक अनुसन्धानमा पारिवारिक विवादमा उक्त घटना घटेको बताइएपनि थप अनुसन्धान भइरहेको प्रहरीले जनाएको छ ।
