नेपाल विद्युत प्राधिकरणको ३९ औं बाषिकोत्सवको अवसरमा धौलागिरीका चार जिल्लाका वितरण केन्द्र बिच भएको मैत्रीपूर्ण टी-ट्वान्टी क्रिकेटको म्याग्दी र तातोपानी वितरण केन्द्रले जितेको छ । बेनी नगरपालिका वडा नं १ रत्नेचौरको खेलमैदानमा आयोजित प्रतियोगितामा बागलुङ र पर्वत वितरण केन्द्रलाई पराजित गरेको हो ।
म्याग्दी टिमले ४३ रनको अन्तरले पराजित गरेको म्याग्दी बितरण केन्द्रका कर्मचारी शुर्य खत्रीले जानकारी दिनुभयो । चार जिल्लाका वितरण केन्द्रमा कार्यरत कर्मचारी बिच शुभकामना आदानप्रदान सहित आयोजित प्रतियोगितामा बागलुङ र पर्वत एक टिम र म्याग्दीका दुई वितरण केन्द्र एक टिम भई फ्रेन्डसिप खेलमा सहभागि भएका थिए ।
adv
मैत्रीपूर्ण खेलमा टस हारेर ब्याटिङ गरेको म्याग्दीले १८८ रनको लक्ष्य दिएकोमा बागलुङ र पर्वत लक्ष्य पच्छाउँदै गर्दा सबै विकेट गुमाएर निर्धारित २० ओभरमा ९ विकेट गुमाएर १४५ रन बनाएको थियो ।
लक्ष्य पच्छाउने क्रममा बागलुङका सुरेश लामिछानेले ३२ बलमा ५० रन जोड्न सफल हुनुभएको थियो । प्रतियोगिता म्याग्दी वितरणका विवेक उपाध्याय ६१ बिकेक आचार्यले १ सय ८ रन बनाउनुभएको थियो । आचार्यले ९ चौका र १० छक्का बनाउनुभएको थियो । आचार्यले चार विकेट समेत लिएका थिए ।
प्रतियोगितामा बागलुङ सन्दिप श्रेष्ठ ३ बिकेट, दिपक यादव र माधव केसीले दुई–दुई विकेट लिएका थिए । म्याग्दी वितरण केन्द्रको आयोजनामा भएको प्रतियोगिताका म्याग्दी वितरण केन्द्रका प्रमुख सत्यनारायण गामीले विजेतालाई ट्रफि वितरण गदैं जोखिम मोलेर नागरिकलाई सेवा दिने कर्मचारी बिच भविस्यमा पनि हुने रचनात्मक कार्यहरुमा सहयोग गर्ने प्रतिबद्धता जनाउनुभयो ।
