पोखराबाट जोमसोमका लागि छुटेको ग१ख ७७१७ नम्बरको बसमाथि रघुगंगा गाउँपालिका–२,बैसरीमा पहिरो खस्दा दुई जना घाइते भएका छन् ।पोखराबाट मुस्ताङको जोमसोमका लागि छुटेको गाडीमा मंगलबार दिउँसो पौने दुई बजेको समयमा सडकमाथिबाट एक्कासी पहिरोसहितको ढुङ्गाले लाग्दा बेनी नगरपालिका–४, की २१ वर्षीया पुजा खड्का र गुल्मीको इस्मा गाउँपालिका–२, घर भइ हाल लेखनाथ बस्ने ३२ वर्षीया मिना नेपाली घाइते हुनुभएको छ ।
दुवै जनालाई उद्धार गरी उपचारका लागि बेनी अस्पताल ल्याइएको जिल्ला प्रहरी कार्यालय म्याग्दीका सुचना अधिकारी राजन रायमाझीले जानकारी दिनुभयो । पुजाको टाउँको, टाउको र ढाडमा तथा मिनाको हाट र खुट्टामा चोट लागेको छ । करिब १५० मिटर दुरीको सडकमा १ किलोमिटर माथिबाट पहिरो खसिरहने गर्छ । दुवै जनाको स्वास्थ्य अवस्था मध्यम रहेको छ । दुवै जनाकाे बेनी अस्पतालमा उपचार भइरहेकाे सुचना अधिकारी रायमाझीले बताउनुभयाे । केही समय अवरूद्द भएकाे सडक भने सुचारू भइरहेकाे छ ।
तस्बिर साैजन्य : राजु राम्जाली ।
