धौलागिरी हिमालको आरोहणको क्रममा आइतबार देखि हराइरहेका पाँच रुसी पर्वतारोहीको खोज तथा उद्धारका लागि प्रभु हेलिकप्टरका क्याप्टेन सोबित गौचनले घटनास्थल निकै अठ्यारो र भिरालो भएको बताएका छन् । मंगलबार क्याप्टेन गौचनले ९ एन–एनएलको हेलिकप्टरमा कम्पनीमा प्रतिनिधि सहित पुगेका थिए ।
उनले ७ हजार फिट उचाइसम्म पुगेर बेपत्ता भएका आरोहीको खोजी गरेको बताए । ‘शबको निकै नजिक पुगेर संख्या पहिचान गरेका थियौं, शब भेटिएको ठाउँ निकै जोखिमपूर्ण छ, त्यहाँ ल्याण्ड गर्न सकिने अवस्था नभएपछि फर्किए’ क्याप्टेन गौचनले बेनीअनलाइनलाई भने ।
मंगलबार विहान ७ बजेदेखि १० बजेसम्म खोज तथा उद्धारमा सक्रिय भएर ११ बजे काठमाण्डौ फर्किएका थिए । उनले आरोहीको अवस्थाबारे खोजतलासका लागि माथिल्लो क्षेत्रमा पुग्दा शब देखिएपछि नजिक पुगेर हेरेको बताए ।
मृतक आरोहीसँगै पुगेका भालेरी शामालोलाई फस्ट क्याम्पबाट उद्धार गरी काठमाडौँ लगिएका उनी चौथो क्याम्पमा पुगेपछि माथि जान नसक्ने अवस्था भएपछि तल आएर क्याम्पमा बसेका थिए ।
‘उनीहरुकै टोलीका एकजनालाई क्याम्पबाटै उद्धार गरी काठमाण्डौ ल्याएका छौ,‘त्यहाँको अवस्थाका बारेमा सम्बन्धित निकायलाई जानकारी गराइसकेको छु, धेरैपटक यहाँ पुगेकाले आरोहीको रुट पहिचानमा सहज भयो’ क्याप्टेन गौचनले भने ।
टोलीका अन्य सदस्य अलपत्र वा जोखिममा रहेको अवस्थाका बारेमा सबैतिर खोजी गरेपछि थप खोज तथा उद्धारको तयारी सहित टोली फर्किएको थियो । क्नेपालको पहिलो सगरमाथा आरोहण गर्ने पहिलो क्याप्टेन समेत रहेका गौचन कम्पनीबाट हिमाल तथा जोखिमपूर्ण खोज तथा उद्धारमा धेरै खटिने गर्दछन् । उनका धेरैजसो उडानहरु विभिन्न हिमालको बेसक्याम्पहरु हुन्छन् । क्याप्टेन गौचन बेनी नगरपालिका वडा नं ८ शिक्षामार्ग निवासी हुन् ।
म्याग्दीको धवलागिरी गाउँपालिका–४,मुदीमा अवस्थित हिमालको हाई क्याप आधार शिविरबाट आइतबार देखि हराएका आरोहीहरूको शव ७ हजार १ सय मिटरको उचाइमा भेटिएको हो ।
आइ एम टे«कीङ एण्ड एक्सपीडिसन मार्फत धौलागिरि आरोहणका लागि आएका रसियाका अलेक्जेन्डर दुशेको, ओलेग कुर्गलोभ, भ्लालिमिर चिस्तिकोभ, मिखाइल नोसेन्को र डिमित्री शालिलेभोइको शव भेटिएको छ ।
आरोहीको टोली हाई क्यापबाट माथिल्लो क्षेत्रमा जाने क्रममाआइतबार दिउँसो ११ बजेदेखि सम्पर्कविहिन भएका थिए । यो स्थान आरोहणको अन्तिम विन्दु पुग्न सबैभन्दा जोखिम बिन्दु मानिन्छ । ८,१६७ मिटर अग्लो धवलागिरि हिमाल विश्वकै सातौ अग्लो पर्छ ।
* हिमालको तस्वीरमा रातो लगाएको स्थानमा शब भेटिएको थियो ।
