गंगा पुन
दाना, १३ कार्तिक । फ्रेन्डली व्रोदर्श युके दाना सेरोफेरोको आयोजनामा म्याग्दीको अन्नपुर्ण गाउँपालिका ३ दानामा निशुल्क आँखा शिविर संचालन हुने भएको छ ।
येहि कार्तिक ३० गतेदेखि मंसिर २ गते सम्म मा दानामा वृहत आँखा शिविर हुने भएको हो । श्रीकृष्ण नेत्रालय भैरहवाकोे प्राविधिक सहयोगमा दाना स्थित ज्ञान प्रकाश माविको प्राङ्गणमा शिविर आयोजना गर्न लागिएको हो ।
शिविर संचालनका लागि वडा कार्यालय, ज्ञान प्रकाश मावि, दाना स्वास्थ्य चौकी, स्थानीय आमा समुह, युवा क्लव लगायतका संघ संस्था संग समन्वय गरिएको छ ।
दाना सेरोफेरो युकेका अध्यक्ष भिम पुर्जाले दाना र त्यस आसपासका आँखाका रोगीहरुको उपचार गर्नका लागि शिविर संचालन गर्न लागिएको बताउनुभयो । उहाँले तीन दिन सम्म संचालन हुने निशल्क शिविरमा आँखाको जाँच गरि स्वास्थ्य लाभ लिनका लागि आग्रह समेत गर्नुभएको छ ।
शिविरमा आँखा सम्वन्धि सम्पूर्ण समस्याको उपचार हुनेछ भने मोतियाविन्दुको अप्रेशन समेत गरिने छ । शिविरमा डाक्टर सल्मा केसी, अमोद सिंह लगायतले सेवा दिनुुहुनेछ ।
सोमवार स्थानीय संघ संस्थाका प्रमुख तथा प्रतिनिधिहरुको उपस्थितिमा वैठक बसी शिविर संचालनका लागि जिम्मेवारी वाँडफाँड गरि तयारी सुरु गरिएको वडा अध्यक्ष रमेश पूर्जाले बताउनुभयो ।
