बेनी नगरपालिका-१ रत्नेचौरमा आयोजित टी–२० सिरिज २-१ ले रत्नेचौर क्रिकेट क्लवले जितेको छ । रत्नेचौर बहुउदेश्यीय खेलमैदानमा आयोजित प्रतियोगितामा मिलिनियम क्रिकेट क्लवले अन्तिम खेलमा दिएको ५८ रनको लक्ष्यलाई रत्नेचौर क्रिकेट क्लवले १० ओभरमा ७ विकेटले जितेको छ ।
पहिलो र दोस्रो सिरिज रत्नेचौरले जितेको थियो भने तेस्रो मिलिनियमले हात पारेको थियो । प्रतियोगितामा विजेता रत्नेचौरले नगद २० हजार सहित ट्रफी र मेडल प्राप्त गरेको छ ।प्रतियोगितामा बेस्ट ब्याट्सम्यान जस्मिन थापा, बेस्ट बलर भरत थामी र म्यान अफ द सिरिज अशोक कार्की भएका छन् ।
पछिल्लो समय म्याग्दीमा नियमित क्रिकेट प्रतियोगिता हुने थालेको छ भने म्याग्देली खेलाडीले गण्डकी प्रदेशस्तरीय प्रतियोगितामा समेत सहभागिता जनाउने गरेका छन् ।
