बेनी नगरपालिका-३, भकिम्लीमा दलित सचेतना सहित संस्थागत विकासका लागि प्रगतिशिल दलित मञ्चले निर्माणधिन दुई तले पक्की भवनका लागि १ लाख १० हजार रुपैंया सङ्कलन भएको छ ।
भकिम्लीमा रहेका दलितलाई क्षमता विकास तथा विविध समस्या समाधानका लागि सक्रिय प्रगतिशिल दलित मञ्चले गाउँमा आयोजना गरेको देउसीभैलोमा उक्त रकम सङ्कलन भएको हो ।
निर्माणधिन अवस्थामा रहेको भवनलाई आर्थिक आर्थिक अभाव भएपछि भकिम्लीका विभिन्न बस्तीमा पुगेर बाल कलाकार सहितको टोलीले देउसीभैलो सञ्चालन गरी संकलन गरेको उक्त रकमबाट विविध खर्च १० हजार र देउसीभैलोमा सहभागि विद्यार्थीलाई १० हजारको शैक्षिक साम्रागी सहयोग गरिएको छ ।
शनिबार एक कार्यक्रमका बिच मञ्चका अध्यक्ष राम किसानको प्रमुख आतिथ्यतमा सहयोग हस्तान्तरण सहित भवन निर्माणका लागि थप सहयोग जुटाउन अपिल भएको थियो ।
उक्त कार्यक्रमको अध्यक्षता सल्लाहकार बिरबहादुर किसान र सञ्चालन सुस्मिता विकले गर्नुभएको थियो । कार्यक्रममा समाजसेवा यूवा क्लवका गोविन्द किसान, किस्मत विक लगायत स्थानीय समुदायको उपस्थिती रहेको थियो ।
