म्याग्दीको बेनी नगरपालिका-५,पुलाचौरस्थित जनकल्याण माविमा सोमबार आयोजित जिल्लास्तरीय अंग्रेजी टाइपिङ प्रतियोगितामा प्रथम र द्धितिय लिटल गार्डेन एकेडेमीका सुलभ सुबेदी र मन्जिल केसी भएका छन् ।
म्याग्दी प्रवासी नेपाली संघ(मोना) अस्ट्रेलियाको विद्यार्थी कल्याणकारी कार्यक्रम अन्तरगत काठमाडौँ विश्वविद्यालय(केयू)सँगको सहकार्यमा चार दिने बृहत शैक्षिक कार्यक्रम अन्तरगत पहिलो दिन आयोजित प्रतियोगितामा बेनी नगरपालिकाका ६ विद्यालयका १५ जनाको सहभागिता रहेको थियो ।
म्याग्दी प्रवासी नेपाली संघ (मोना) अस्ट्रेलियाको विद्यार्थी कल्याणकारी कार्यक्रम अन्तरगत काठमाडौँ विश्वविद्यालय (केयू) सँगको सहकार्यमा आयोजित प्रतियोगिताले विद्यार्थीको क्षमताको पहिचानमा सहज हुने केयूका प्रतिनिधि निश्चल भट्टराईको भनाई छ ।
बेनी नगरपालिकामा पहिलोपटक कम्प्युटर टाइपिङ प्रतियोगितामाले आगामी दिनमा अझ बढी विद्यार्थीलाई प्रतिस्पर्धा गराइनुका साथ कम्प्युटर कक्षा प्रभावकारी बनाउने सहभागी विद्यार्थीको भनाई थियो ।
