म्याग्दीको मालिका गाउँपालिका-६, दुखुबेसीमा १ लाख धनराशीको फाइभ ए साइड फुटसल प्रतियोगिता हुने भएको छ । मितेरी यूवा क्लवको आयोजना तथा जनहित आमा समुहकको सहआयोजनामा ६ औं मितेरी कप तथा विविध सांस्कृति कार्यक्रमको अवसरमा फुटसल सहित १ लाख धनराशीकै भलिबल आगामी महिनाको पुस १२ गतेदेखि प्रतियोगिता हुने मेला संयोजक रेशम गुरुङले बताए ।
उनका अनुसार फुटसल र भलिबलका उपबिजेतालाई ५० हजार नगद, ट्रफी मेडल र प्रमणपत्र रहेको छ । त्यसैगरी पौढ भलिबल, नृत्य प्रतियोगिता सहित अन्य विविध कार्यक्रमहरु समेत तय गरिएको छ ।
क्लवका अध्यक्ष सुनिल राम्जालीले खेलकुद सहित राष्ट्रियस्तरका कलाकारहरुको कार्यतालिका समेत बनाइरहेको बताउँदै फुटसल, भलिबल सहित स्थानीय कलाकार, नृत्य प्रतियोगिता सहितका कार्यक्रमको तयारीमा जुटेको बताए । प्रतियोगितामा पुस ९ र १० गतेसम्म नाम दर्ता र पुस ११ गते खेल तालिका सार्वजनिक गरिने छ ।
गाउँमा सामाजिक तथा मानवीय सेवा, खेलकुद गतिविधि सहित अन्य विभिन्न क्षेत्रमा समेत सक्रिय रहेको क्लवले आर्थिक, भौतिक र नैतिक सहयोगका लागि स्वदेश तथा विदेशमा रहेका शुभचिन्तकलाई अनुरोध समेत गरेको छ ।
