म्याग्दी जेसीजका पूर्व अध्यक्ष सन्दिप खत्रीे ईटहरीमा हुन गइरहेको नेपाल जेसीजको ५१ औँ राष्ट्रिय महाधिवेशनमा नेपाल जेसीज वर्ष २०२५ का लागि राष्ट्रिय उपाध्यक्ष पदमा उम्मेदवारी दिनुभएको छ । म्याग्दीमा सामाजिक एवम् मानवीय सेवामा सक्रिय खत्रीयही पौष ६, ७ र ८ गते हुने महाधिवेशनमा उम्मेदवारीसँगै सहयोगको अपिल गर्नुभएको छ ।
म्याग्दी जेसीजमा दर्जनौ नमुना कार्यक्रममार्फत उत्कृष्ट शाखा बनाउन सफल नेपाल जेसीजका राष्ट्रिय सम्पादक समेत रहनुभएका खत्रीम्याग्दीको परोपकारी संस्था ओमकुमारी शान्ति कोषका अध्यक्ष समेत हुनहुन्छ ।
म्याग्दी जेसीजमा सन् २०१४ मा प्रवेश गर्नुभएका खत्री सन् २०१८ मा उपाध्यक्ष सन् २०१९ मा महासचिव, सन् २०२० मा कार्यकारिणी उपाध्यक्ष, सन् २०२१ मा बरिष्ठ उपाध्यक्ष, सन् २०२२ मा शाखा अध्यक्ष हुनुभएको थियो । म्याग्दी जेसीजलाई समुदायस्तरका कार्यक्रममा केन्द्रित गर्ने अध्यक्षको रुपमा स्थापित खत्रीको कार्यकालमा शिक्षा,स्वास्थ्य, खेलकुद सहित विभिन्न क्षेत्रमा उल्लेखनीय सहयोग भएको थियो ।
म्याग्दीका एक सफल यूवा ब्यवसायी समेत रहनुभएका खत्रीले आफ्नो उम्मेदवारीसँगै समाजमा यूवामार्फत गर्न सकिने क्षेत्रहरुमा थप कार्य गर्नुरहेको बताउनुभयो । ‘मैले उम्मेदवारीमा धेरैले साथ दिनुभएको छ, थप सहयोगहरुका लागि अहिले अभियानमा छु’ खत्रीले भन्नुभयो ।
म्याग्दी जेसीजको २५औं स्थापना दिवसको अवसरमा क्षेत्रीय सम्मेलन समेत म्याग्दीमा ल्याउन भूमिका खेल्नुभएका खत्री शाखा अध्यक्ष कार्यकालमा मेरो विद्यालय, न्यानो माया जस्ता नयाँ नयाँ कार्यक्रमको दीर्घिकालिन सुरुवात गरिएको थियो । आफूसँग भएको क्षमता र सिकेको कुरा अन्य जेसीज सदस्यहरुसँग बाड्न, नेपाल जेसीजमा म्याग्दी जेसीजको प्रतिनिधित्व गराउन, नेपाल जेसीजमा परिवर्तन र रुपान्तरणका लागि समेत आफ्नो पक्षमा मतदान गरिदिन समेत खत्रीले अनुरोध गर्नुभएको छ ।
