आठौँ म्याग्दी महोत्सव एवम् माघे संक्रान्ति मेलाको दोस्रो दिन आज सोमबार चर्चित नायक पल शाहको विशेष प्रस्तुती हुने भएको छ । म्याग्दी उद्योग वाणिज्य संघको मुल आयोजनामा आगामी माघ ८ गतेसम्म हुने आठौँ म्याग्दी महोत्सव एवम् माघे संक्रान्ति मेला तथा प्रदेश स्तरीय कृषि, पर्यटन, औद्योगिक व्यापार मेलामा प्रस्तुतीका लागि नायक शाहको प्रस्तुती साँझ हुने बताइएको छ ।
नायक अभिनय गरेका हित गीतहरुमा अभिनय तथा डान्स गर्नुहुने कार्यक्रम रहेको छ । ३० देखि ४५ मिनेट सम्म स्टेजमा पल शाहको प्रस्तुती रहने म्याग्दी उद्योग वाणिज्य संघका वरिष्ठ उपाध्यक्ष तथा कलाकार संयोजक राजेश शाक्यले बताउनुभयो ।
रियल हिरोको उपमा समेत पाउनुभएका नायक शाह पछिल्लो समय देशभर संचालित मेला महोत्सवमा मुख्य आकर्षणको रुपमा व्यस्त हुनुहुन्छ ।म्युजिक भिडियोबाट सिने क्षेत्रमा प्रवेश गर्नुभएका नायक पल शाहका म यस्तो गीत गाउँछु, जोनी जेन्टलमेन्ट, लगायतका फिलिमहरु हिट भएका छन।
नायक शाहले अभिनय गरेका तिमी र म जाम माया कही टाढा, सुर्ति माड्दै माड्दै गयो जोवान, मत ढले ढले, मायालाई पानको पात लगायतका लोक दोहोरी गीतहरुले निकै नै चर्चा पाएका छन ।चलचित्र म यस्तो गीत गाउँछु २ मा समावेश तिम्रो घरको वरीपरी म वसेको त्यसै होर बोलको गीत, को होला त्यो म संग आँखा जुधाउने लगायतका लोक पप गीतहरुमा पनि नायक शाहले स्टेज प्रस्तुती दिदै आउनुभएको छ ।
