म्याग्दीको मालिका गाउँपालिका-१,निस्कोटमा रहेको निस्कोट माविले ५३ ओैँ वार्षिकोत्सव, पुरस्कार वितरण तथा सम्मान कार्यक्रम गरेको छ । मालिका–१ का वडा सदस्य मानसिङ् सापकोटा प्रमुख आतिथ्यतामा भएको कार्यक्रममा विद्यार्थीको शैक्षिक, खेलकुद सहित अतिरिक्त क्रियाकलापले मात्रै जिवनलाई सहज बनाउने भएकाले लक्ष्य प्राप्तीमा केन्द्रित हुन अनुरोध गरिएको थियो ।
वार्षिकोत्सव कार्यक्रममा आर्थिक सहयोग गर्नेलाई सम्मान, अतिरिक्त कृयाकलापमा विजयी विद्यार्थीहरूलाई पुरस्कार वितरण, दोस्रो त्रैमासिक परीक्षामा प्रथम, द्वितीय र तृतीय हुने विद्यार्थीहरूलाई पुरस्कार वितरण, मंगला–३,पखेरमा सरूवा भई जानुहुने शिक्षक घनश्याम सुवेदीलाई बिदाइ, शिक्षक कर्मचारी र विद्यार्थीहरूको नृत्य, अभिभावकहरूको भलिबल, लठो तान्ने प्रतियोगिता कार्यक्रमहरू भएको थियो ।
विद्यालय व्यवस्थापन समितिका अध्यक्ष निराज पुनकोअध्यक्षता र शिक्षक द्वेय विर बहादुर खड्का र तम बहादुर पुनको सञ्चालनमा सम्पन्न कार्यक्रममा भएको कार्यक्रममा शिक्षक विनय पुनको स्वागत मन्तव्य, प्रधानाध्यापक बुद्धि बहादुर पुन, वडा सचिवसुनिल कुमार केसी, विद्यार्थीको तर्फबाटसन्देश पुन, बालक्लव अध्यक्ष खगेन्द्र पुन,जुरेस अध्यक्ष श्री एलिना पुन लगायतले मन्तव्य राख्नुभएको थियो ।
