विद्यामन्दिर पुस्तकालयको फागुन १० गते भएको ७६ औं वार्षिक साधारणसभा बाट निर्वाचिन अध्यक्ष र अध्यक्षले मनोनित गरेका पदाधिकारीको पदस्थापन भएको छ । साधारणसभाबाट निर्वाचित अध्यक्ष रामचन्द्र शर्मा सहितका पदाधिकारीको बुधवार पदस्थापन भएको हो । शर्माले उपाध्यक्षमा राजनकुमार शर्मालाई मनोनित गरेका छन् । उनी यस अघि सचिव थिए । सचिवमा गगनबहादुर पुन मनोनित भएका छन् । सहसचिवमा कोपिला कंडेल र कोषाध्यक्षमा धनमाया शर्मा मनोनित भएका हुन् ।
सदस्यहरुमा निवर्तमान अध्यक्ष राम थापा अविरल, पूर्व अध्यक्ष गोबिन्द वझा, बरिष्ठ अधिवक्ता काजी गाउँले श्रेष्ठ छन् ।त्यस्तै सदस्यहरुमा युगेन्द्र श्रेष्ठ, सुधिर श्रेष्ठ, दल थापा, नवराज गौतम, मनोबिज्ञान श्रेष्ठ र गोकुल कंडेल छन् । पुस्तकाध्यक्ष गणेश सापकोटा पदेन सदस्य छन् । उनीहरुलाई निर्वाचन अधिकृत इश्वर श्रेष्ठले पदस्थापन गराएका थिए भने कावा प्रधान संरक्षक लालचन्द्र राजभण्डारीले प्रमाणपत्र बितरण गरे ।
कार्यक्रममा राजभण्डारीसहित निर्वाचन अधिकृत श्रेष्ठ, काठेखोला गाउँपालिका वडा नं. १ का अध्यक्ष खड्ग थापा, पत्रकार महासंघका उपाध्यक्ष सुवास आचार्य, साहित्यकार काजी रोशन लगायतले शुभकामना मन्तव्य व्यक्त गरेका थिए । निर्वाचित अध्यक्ष रामचन्द्र शर्माको अध्यक्षता पूर्व अध्यक्ष गोबिन्द वझाको संचालन र निर्वतमान अध्यक्ष राम थापा अविरलको स्वागतमा कार्यक्रम सम्पन्न भएको थियो ।
