मुस्ताङको वारागुँ मुक्तिक्षेत्र गाउँपालिका-४कागबेनीबाट म्याग्दीका एकजना बालक सम्पर्कविहीन भएका छन् । जनशान्ति माविमा कक्षा ६ मा अध्ययनरत १३ बर्षिय सन्तोष बुढामगर मंगलबार दिउँसो १ बजेदेखि सम्पर्कविहीन भएको बुबा रामबहादुर बुढा मगरले बेनीअनलाइनलाई बताउनुभयो ।
विद्यालयको छात्राबासमा बस्ने बुढा मगर बेपत्ता भएपछि खोजीकार्य गर्दा समेत नभेटिएको बुबा रामबहादुरले बताउनुभयो। ‘छोरा हराएको जानकारी आएपछि खोजीकार्यमा जुटेपनि साँझसम्म फेला परेको छैन’रामबहादुरले भन्नु्भयो ।
छोरा हराएपछि हराएको भन्दै खोजतलासका लागि प्रहरीसमक्ष जानकारी समेत गराएका छन् । सूचना आएलगत्तै प्रहरीले विभिन्न यूनिटमा समेत खवर गरेको छ । यता बालकका बुबा रामबहादुरले बेनीतिर गएको वा अन्य कतै देखे नजिकको प्रहरी कार्यालयमा खबर गरिदिन अपिल गर्नुभएको छ ।
