म्याग्दीको रघुगङ्गा गाउँपालिका–४, बुक्लमा सिमेन्ट घोल्ने मिलर ट्रान्जिट मिस्कर दुर्घटना हुँदा एक यूवाको ज्यान गएको छ। नेपाल विद्युत प्राधिकरणको सहायक कम्पनी रघुगङ्गा हाइड्रोपावरको ठेकेदार कम्पनी जयप्रकाश एसोसियट्स (जेपी) मा कार्यरत बेनी नगरपालिका बेनी नगरपालिका-२ खबराका ४२ वर्षीय हेमबहादुर घिमिरेको मृत्यु भएको हो ।
डिपी टु ए ७०८३ नम्बरको मिस्कर बिहिबार राती साढे ९ बजे बुक्ल स्थित अडिट नम्बर २ मा घुमाउने क्रममा सडकबाट ८० मिटर तल खसेर दुर्घटना भएको जिल्ला प्रहरी कार्यालय म्याग्दीले जनाएको छ । भारतीय ठेकेदार कम्पनी जेपीको दुर्घटनामा चालक घटनास्थलमै मृत्यु भएको थियो ।
प्रहरी निरीक्षक सोमदास ढकालका अनुसार, घिमिरेको शव परिक्षणका लागि बेनी अस्पतालमा राखिएको र घटनास्थल पुगेर प्रहरी टोलीले अनुसन्धान थालेको छ । म्याग्दीमा निर्माणधिन अवस्थामा रहेका जलविद्युत आयोजनामा बर्षेनी मजदुरको ज्यान जाने गरेको छ । निर्माण क्षेत्रमै दुर्घटना भएको अवस्थामा परिवारलाई समयमै जाानकारी नदिने, दुर्घटनापछि क्षर्तीपुर्ती सहितका अन्य सुविधामा आनकानी गर्ने र जोखिमपूर्ण क्षेत्रमा सुरक्षा साम्रागीलाई प्रयोगमा हेल्चेक्राई गर्ने जस्ता गुनासो मजदुरले गर्ने गरेका छन् ।
