आजदेखि सुरू भएको माध्यमिक शिक्षा परीक्षा (एसइई) मा म्याग्दीमा २० जना परीक्षार्थी अनुपस्थित भएका छन् । जिल्लाका ७ परीक्षा केन्द्रमा साधारणतर्फ छात्र १, छात्रा ५ जना र ग्रेडबृद्धितर्फ छात्र ११ जना र छात्रा ३ जना गरी शिक्षा विकास तथा समन्वय इकाई म्याग्दीले जनाएको छ ।
बेनी सामुदायिक मावि केन्द्र, हेम मावि सिवाङ केन्द्र, जनप्रिय मावि दरबाङ केन्द्र, मंगला मावि केन्द्र, न्यु वेष्ट पोइन्ट आमावि केन्द्र, धौलागिरी मावि केन्द्र र प्रकाश मावि केन्द्रका परीक्षार्थी रहेको शिक्षा विकास तथा समन्वय इकाई म्याग्दीका प्रमुख विदुर शर्मा चापागाईंले बताउनुभयो। परीक्षामा साधारणतर्फ छात्रा ८ सय ८२ जना, छात्र ८ सय ७५ गरी १७ सय ५७ जना र ग्रेडबृद्धितर्फ छात्रा ४७ जना छात्र ५० जना परीक्षार्थी सहभागि भएका छन् ।
