म्याग्दीको सदरमुकाम बेनीबजारमा शान्ति पार्क बनाउने अभियान अलपत्र परेको छ । एकबर्ष अगाडी जिल्ला समन्वय समितिका बसेको सर्वदलिय,सर्वपक्षीय भेलाबाट डिभिजन बन कार्यालयसँगै जोडिएको सार्वजनिक र बराहपाखो सामुदायिक बनको जमिनलाई पार्कका रुपमा विकास गरी आर्कषक संरचना बनाउने निर्णय भएको थियो ।
तत्कालिन राज्य र विद्रोही पक्षको भीडन्त भएको २०६० साल चैत्र ७ गते सहित यूद्धमा प्रयोग गरिएका हतियार सहितका साम्रागीहरुलाई समेत प्रर्दशनी गरी पर्यटकलाई आर्कषित गर्ने शान्ति पार्कको योजना माईन्युटमै सिमित भएको भन्दै स्थानीयबासीले चासो देखाएका छन् ।
शान्ति पार्क बनाउने स्थान पर्ने बिरेन्द्रचोक टोल विकास संस्थाका अध्यक्ष महेन्द्र श्रेष्ठले बिरेन्द्रचोकबासीले पार्क बनाउन आवश्यक परेमा श्रमदान सहितका कार्यहरुमा समेत सहभागि हुने प्रतिबद्धता जनाएपनि कार्यान्वयन नभएको बताउनुभयो ।
जिल्ला समन्वय समिति, बेनी नगरपालिका र वडा नं ७ को कार्यालयले धेरै चासो देखाएपनि डिभिजन बन कार्यालयको असहयोग र प्रक्रियागत अवरोध बाधक बनेको वडा अध्यक्ष रमेशकुमार श्रेष्ठले बताउनुभयो ।
सार्वजनिक जग्गाको प्रयोग गरी शान्ति पार्क बनाएर स्वदेशी तथा विदेशी पर्यटक आर्कषित गर्ने स्थानीय सरकारको योजना रहेको वडा अध्यक्ष श्रेष्ठको भनाई छ । यो करिब १० करोडको प्रारम्भीक लागत अनुमान गरिएको थियो ।
करिब १० रोपनी क्षेत्रफलमा शान्ति पार्क र चिल्ड्रेन पार्क बनाउन जिल्लाका राजनीतिक दल, जनप्रतिनिधि,सरोकारवाला निकायले सहमति जनाएपछि बिस्तृत परियोजना प्रतिवेदन (डिपिआर) तयारका लागि प्राविधिकसँग समेत समन्वय भइरहेको थियो ।पार्कलाई अपाङ्मैत्री बनाउने र पैदलमार्गबाट आवतजावत गर्न मिल्ने बनाउने योजनामा रहेपनि जग्गा सहित अन्य कानुनी प्रक्रियामा देखिएको समस्या समाधानका लागि सक्रिय रहेको मेयर केसीले सुरत केसीले बताउनु्भयो ।
पार्कस्थलमा शान्तिको सन्देश दिने संरचनाहरूलाई प्राथमिकता दिएपनि तत्कालिन विद्रोही नेकपा माओवादीले २०६० चैत ७ गते म्याग्दी सदरमुकाम बेनी आक्रमणमाको क्रममा छियाछिया परेको विद्युत पोललाई समेत राखिने छ । पार्क बनाउन वडाबाट आवश्यक सबै सहयोग गरिने बताउनु्भयो ।
शहरीकरणको चाप र त्यसले दिने तनावबाट मुक्त हुनका लागि शान्ति उद्यान आवश्यक भएको छ । बराहपाखो सामुदायिक बनसँगै जोडिएकाले बिहानदेखि बेलुकासम्म चराचुरुङ्गीको आवाज सुन्न पाइने, घुमफिर गर्नेदेखि फोटो खिच्ने र भिडियो बनाउन समेत मिल्ने भएकाले भविस्यमा सामुदायि बनभित्र समेत असर नगर्ने गरी जंगल सफारीका लागि समेत प्रयोग गर्न सकिन्छ ।
