म्याग्दीमा प्राथमिक तह तृतीय श्रेणीको शिक्षक पदमा शिक्षक सेवा आयोगबाट सिफारिस भएका ७८ जना शिक्षकलाई बिहिबार एक कार्यक्रम गरी स्थायी नियुक्ती वितरण तथा पदस्थापना गरिएको छ ।
जिल्ला समन्वय समितिको सभाहलमा एक कार्यक्रम गरी म्याग्दीका ६ वटै स्थानीय तहमा सिफारिस भएका शिक्षकलाई पदस्थापना तथा बधाई ज्ञापन गरिएको हो । शिक्षा विकास तथा समन्वय इकाईका प्रमुख बिदुर चापागाई शर्माले शिक्षकलाई सपथग्रहण गराउनुभएको थियो ।
पदस्थापना हुनेमा धवलागिरी गाउँपालिका २३ जना,रघुगंगा गाउँपालिका १५ जना, अन्नपूर्ण गाउँपालिका १२, बेनी नगरपालिका १२ मालिका गाउँपालिका १० जना र मंगला गाउँपालिका ६ जना सिफारिस भएको जिल्ला समन्वय समिति म्याग्दीकी उपप्रमुख दिलकुमारी खत्रीले बताउनुभयो ।
म्याग्दीका सामुदायिक विद्यालयमा रिक्त रहेको कुल ७९ पदमध्ये मधेसी कोटा रिक्त बाहेक सबै सिफारिस भई पालिकामा पठाइएको छ । नियुक्तपत्र हस्तान्तरण तथा सपथ ग्रहण कार्यक्रममा प्रमुख जिल्ला अधिकारी गुरुदत्त ढकाल, शिक्षक महासंघ म्याग्दीका अध्यक्ष जयराम सुबेदी, अखिल
