नेपाल लोकतान्त्रिक खेलकुद संघ म्याग्दीको दोस्रो अधिवेशनबाट खड्क केसीको अध्यक्षतामा २५ सदस्यीय सदस्य चयन भएको छ । नेपाली कांग्रेसको शुभेच्छुक संस्था संघको उपाध्यक्ष मुक्तमान केसी, अक्सिजन खड्का, सचिव बिनोद घर्ती, कोषाध्यक्ष स बहादुर विक रहनुभएको छ ।
अधिवेशनमा ६ वटै स्थानीय तहबाट प्रतिनिधित्व हुने गरी कार्यसमिति सदस्यहरु चयन गरिएको छ भने प्रदेश र केन्द्रिय महाधिवेशन प्रतिनिधि समेत चयन गरिएको सचिव घर्तीले जानकारी दिनुभयो । अधिवेशनको संविधान सभा सदस्य रेशमबहादुर बानियाँले उद्घाटन गदैं नेपाली काँग्रेसले भ्रातृ तथा शुभेच्छुक संस्थालाई जिम्मेबारी अनुसारको काम गर्ने वातावरण बनाउनुपर्नेमा जोड दिनुभयो ।
अधिवेशनमा नेपाली कांग्रेसका उसभापति हरिकुमार श्रेष्ठ, कर्णबहादुर भण्डारीले पार्टीभित्रका भ्रातृ तथा शुभेच्छुक संस्थाको सक्रियताले पार्टीका अभियानहरु बलियो हुने बताउनुभएको थियो । दिपेन्द्र श्रेष्ठ (दिपु) अध्यक्षतामा भएको अधिवेशनको स्वागत मन्तव्य उपाध्यक्ष बिक्रम वोगटी र सचिव विनय श्रेष्ठले सञ्चालन गनुभएको थियो ।
