बेनीमा सम्पन्न भएको आठौँ म्याग्दी महोत्सव एवं प्रदेशस्तरीय कृषि, पर्यटन, औद्योगिक, व्यापार मेलामा आयब्यय सार्वजनिक गरिएको छ । म्याग्दी उद्योग वाणिज्य सङ्घको आयोजनामा माघे सङ्क्रान्तिका अवसरमा पुस २८ देखि यही माघ ८ गतेसम्म आयोजना भएको महोत्सवमा १ करोड ९ लाख ५३ हजार ७ सय २९ रुपैयाँ आम्दानी र १ करोड ५ लाख ४३ हजार ८९० खर्च भएको संघका अध्यक्ष सुविन श्रेष्ठले बताउनुभयो ।
महोत्सवमा बिक्री भएको टिकटबाट सामाजिक उत्तरदाहित्व बहन अन्तरगत बिक्री भएको टिकटको आम्दानीबाट ब्यवसायिक हित कोषमा १२ लाख, म्याग्दी उवासंंघ विपद् ब्यवस्थापन कोष ३ लाख, धार्मिक पर्यटन प्रर्बधन ६० हजार, नेपाल पत्रकार महासंघ म्याग्दी शाखा ५० हजार, म्याग्दी बालगृह २५ हजार र राष्ट्रिय लोकदोहोरी प्रतिष्ठान म्याग्दी शाखा ३५ हजार गरी १६ लाख ७० हजार सहयोग गरिएको कोषाध्यक्ष सुमन श्रेष्ठले जानकारी दिनुभयो ।
खर्च र सामाजिक उत्तरदाहित्व अन्तरगतको खर्चपछि ४ लाख ९ हजार ८२९ आम्दानी भएको छ । महोत्सवमा कूल दुई सय ३० वटा प्रदर्शनी कक्ष राखिएका थिए। महोत्सवमा स्थानीय, राष्ट्रिय, अन्तर्राष्ट्रिय औद्योगिक, कृषि तथा पशुजन्य, सूचना प्रविधि, कपडा, खाद्यान्न, भाडाको प्रर्दशनी गरिएको थियो।
स्थानीय उत्पादनका ३० वटा स्टलमा भने निःशुल्क प्रर्दशनीको व्यवस्था मिलाइएको थियो। संघको आयोजनामा २०५८ सालदेखि सुरु भएको महोत्सवले म्याग्दीको जातजातीको भेषभुषा पहिचान र जिल्लाको पर्यटन प्रवद्र्धनको सुरुवात समेत भएको थियो ।
