पर्वतको जलजला गाउँपालिका वडा नम्बर ५ लेखफाँटमा मंगलबार साँझ ट्याक्टर दुर्घटना हुँदा एक जनाको घटनास्थलमै मृत्यु भएको छ। लेखफाँटको गिद्धेश्वरबाट गैरीगाउँतर्फ जाँदै गरेको ग १ त २२६० नम्बरको ट्याक्टर लाउरी डाँडामा सडकदेखि ५० मिटर तल भिरमा खसेर दुर्घटना हुँदा गिद्धेश्वरका १५ वर्षीय रोशन परियारको मृत्यु भएको वारीबेनी प्रहरी चौकीका प्रमुख प्रहरी नायब निरीक्षक घनश्याम ढकालले जानकारी दिनुभयो।
दुर्घटनामा जलजला गाउँपालिका वडा नम्बर ५ का चालक २० वर्षीय अनिल रेग्मी गम्भीर घाइते भएको वडाध्यक्ष तिलक जिसीले जानकारी दिनुभयो। घाइते रेग्मीलाई उपचारका लागि प्रदेश अस्पताल बेनीमा पठाइएको वडाध्यक्ष जिसीले बताउनुभयो।घटनाको बारेमा वारीबेनी प्रहरी चौकीवाट पुगेको प्रहरीको टोलीले अनुसन्धान गरिरहेको वारीबेनी प्रहरी चौकीका प्रमुख ढकालले बताउनुभयो।
