‘सफलताको लागि आत्मविश्वास अनि सुरक्षित भविष्यको लागि हिमालयन लाइफ’भन्ने मुल नारा अगाडि बढेको हिमालयन लाइफ इन्स्योरेन्सले व्यवसायिक सद्भावना दुतमा राष्ट्रिय भलिबल टिमकी क्याप्टेन अरुणा शाहीसँग सम्झौता गरेको छ ।
नेपालको महिला भलिबलमा दुई दशकपछि अन्तराष्ट्रिय उपाधीसँगै दक्षिण एशियाली राष्ट्रमा बलियो उपस्थिती बनाउन सफल कप्टान शाहीलाई एक बर्षका लागि हिमालयन लाइफ इन्स्योरेन्सले सद्भावना दुत बनाएको हो ।
म्याग्दी जिल्लाको रघुंगंगा गाउँपालिका वडा नं ३ पिप्लेकी शाहीले नेपालीमाझ जीवन वीमाको सचेतना अभिवृद्धीसँँगै विभिन्न कार्यहरुमा सघाउनु हुने छ । साबिकका प्राइम लाइफ इन्स्योरेन्स, गुराँस लाइफ इन्स्योरेन्स र युनियन लाइफ इन्स्योरेन्स गाभिएर बनेको हिमालयन लाइफले महिला भलिबललाई उचाईमा पुर्याउन सफल शाहीलाई आबद्ध गराउन पाउँदा गौरवान्वित महसुस गरेको जनाएको छ ।
सन् २०१४ मा नेपालमा आयोजना भएको माल्दिभ्ससँगको मैत्रीपुर्ण खेलबाट राष्ट्रिय टोलीमा ‘डेब्यु’ गर्नुभएकी शाहीको खेलमा लगनशिलता, संघर्ष र चुनौतीलाई सामाना गर्न सक्ने क्षमताले नै साउथ एसियन आमन्त्रण भलिबल च्याम्पियनसिप, एभीसी सेन्ट्रल जोन र १२ र १३ औं दक्षिण एसियाली खेलकुद (साग) सहित अन्य प्रतियोगितामा प्राप्त सफलता मान्न सकिन्छ ।
