मगर संस्कृतिको धरोहर मानिने प्राचीन सोरठी नृत्य लोपलोपोन्मुख अवस्थामा पुगेपछि संरक्षण र प्रचारप्रसारमा सघाउन मौलिक लोक भाका ‘हर्क नि भराई तमुरो’को म्यूजिक भिडियो सार्वजनिक भएको छ ।
मगर समुदायको मौलिक नृत्य आधुनिक गितसंगीतका कारण लोपउन्मुख अवस्थामा पुगेपछि म्याग्दीको अन्नपूर्ण गाउँपालिका–६ खिवाङ घर भई हाल यूकेमा बसोबास गर्ने बिल पूर्जा पुन मगरले म्यूजिक भिडियोमार्फत संरक्षणमा जुट्नुभएको हो ।
धौलागिरी नौमति बाजा समुहका अध्यक्ष समेत रहनुभएका रचनाकार पूर्जाले देवी, देउता, पौराणिक घटना र कथामा आधारित रहेर सोरठी गाउने र नाच्ने गरिएपनि पछिल्लो पुस्तामा देखिएको कम आर्कषणलाई मध्यनजर गरी म्यूजिक भिडियो सार्वैजनिक गरेको बताउनुभयो।
मौलिक कला र संस्कृतिको संरक्षणका लागि करिब एक दर्जन सांगीतिक कोशेली पस्किनुभएका पूर्जा मगरले अधिकांस आफ्नै गाउँघरका क्षेत्रहरुमा म्यूजिक भिडियो छायांकन गर्नुभएको छ । गीतसंगीतसँगै नौमति बाजा संरक्षण तथा भाँक्रीको इतिहासलाई प्रर्बधनमा समेत सक्रिय हुनुहुन्छ ।
म्यूजिक भिडियोमा लय र शब्द संकलन बिल पुर्जा पुन मगरको रहेको म्यूजिक भिडियोमा कुमारी पुन मगर,टीका बुढा मगर,पार्वती पुर्जा मगर, प्रेमा पुर्जा मगर,खिमा पुर्जा मगर, एरेन्ज एल.बि. पुर्जा पुन मगर र नृत्य कलाकारहरुमा अर्चलबोट पुन मगर समाज÷ धौलासिरी पुन मगर समाज पुख्र्यौली समुह र निर्देशन देव चोचाङ्गी पुन मगर र सम्पादन सुजन कोइरालाको रहेको छ ।
सोरठी गीतमा मानिसका दुःख, वेदना, समस्यालगायत चाडपर्वका शुभकामनालाई पनि लयवद्धरूपमा प्रस्तुत गरिन्छ । मगर समुदायमा सोरठी नाच विवाह, व्रतबन्ध, मृत्यु संस्कारदेखि अन्य मेलापर्वमा समेत नाच्ने गरिन्छ । सोरठी नाच्ने र गाउँने चलन कसले र कहिलेदेखि चलाएको हो भन्ने कुराको इतिहास अलिखित भएपनि यो नाच मगरसमुदायको मात्र नभइ साझा मौलिक संस्कार मानिन्छ । सोरठी नाच संरक्षण, जगेर्ना र प्रवद्र्धन गर्न सोरठीका अगु्वाहरुले निकै सक्रियता देखाएका छन्।
