बौद्धिक अपाङ्गता भएका बालबालिकाको अध्ययनमा सहयोग गर्ने उद्देश्यसहित बेनीबजारमा डे केयर एण्ड ट्रेनिङ सेन्टर सञ्चालनमा गरिएको छ । बेनी नगरपालिकाको आर्थिक सहयोगमा बौद्धिक अपाङ्ता संघ म्याग्दीले बेनीबजार तथा आसपासका क्षेत्रमा रहेका बौद्धिक अपाङ्गता वा अटिज्म भएका बालबालिका, किशोरकिशोरीलाई लक्षित गरी सञ्चालन गरेको हो ।
बेनी नगरपालिका-७, बैंकरोडस्थित निर्माण ब्यवसायी संघको सभाहलमा विभिन्न खेलकुद सामग्रीको प्रयोग गर्दै खेल्दै, पढ्ने,शारीरिक व्यायामसँगै शैक्षिक क्रियाकलापमा दैनिक १० देखि १५ जना बालबालिकाको सहभागिता हुने गरेको छ ।
डे केयर एण्ड टेनिङ सेन्टर खुलेपछि अभिभावकहरुले विहान १० बजे ल्याउने र साँझ लैजाने गरेको सेन्टरकी शिक्षिक मनिषा परियारले बताउनुभयो ।
‘बालबालिकालाई धेरै सजिलो भएको छ, पारिवारिक वातावरण छ’ शिक्षक परियारले भन्नुभयो । आर्थिक वर्ष २०८१÷०८२ का लागि बेनी नगरपालिकाले ७ लाख ५० हजार विनियोजन गरेको छ । डे केयरमा एक शिक्षक, एक आयाको दरबन्दी रहेको छ ।
बौद्धिक अपाङ् संघ म्याग्दीक निर्वतमान अध्यक्ष एवम् केन्द्रिय सदस्य ममता पौडेलले बौद्धिक अपाङ्गता भएका बालबालिकालाई शिक्षामा पहुँच पु¥याउने उद्देश्यले सञ्चालित सेन्टरमा संख्या थपिदैं गएको बताउनुभयो । ‘घरमै भएका बालबालिकालाई सेन्टरमा ल्याउन अनुरोध गरेका छौ, हामीले यसपटक प्रचारप्रसार पनि गछौं’ पौडेलले भन्नुभयो ।
बौद्धिक अपाङ्गता भएका व्यक्तिको पठनपाठनसहित भविस्यमा विभिन्न किसिमको फिजियोथेरापी सेवा सञ्चालन गर्ने मुख्य लक्ष्य रहेको छ । बेनी नगरपालिका वडा नं ६ का अध्यक्ष कृष्णसिङ बानियाँले बेनी नगरपालिका भित्र रहेका बौद्धिक अपाङ्गता भएकालाई सेन्टरमा ल्याएर सिप तथा विभिन्न सिकाइमा सहभागि गराउन अभिभावकलाई अनुरोध गर्नुभएको छ ।
‘बौद्धिक अपाङ्गता भएका बालबालिकालाई सुविधै सुविधा दिने प्रयासमा छौ, आनीबानी सहितको परिवर्तनका लागि बेलाबेलामा विभिन्न कार्यक्रम गर्नेछौ’ वडा अध्यक्ष बानियाँले भन्नुभयो । म्याग्दीमा भौगोलिक कठिनाइ, अपाङ्गता भएकालाई आवश्यक पर्ने सामग्री तथा पाठ्यसामग्री अभावजस्ता कारणले अपाङ्गता भएका बालबालिकालाई समस्या हुने गरेको छ ।
