म्याग्दीको प्रसिद्ध धार्मिक संस्था गलेश्वर शिवालय क्षेत्र विकास कोषको अध्यक्षमा माधवप्रसाद रेग्मी पुनः चयन हुनुभएको छ। बेनी नगरपालिका-९,स्थित गलेश्वरमा रहको क्षेत्र विकास कोषको शनिबार सम्पन्न ८ औं अधिवेशन तथा १९ औं कार्यकारी सभाले कोषबाट कार्यसमितिको उपाध्यक्ष बम बहादुर पुन, कोषाध्यक्ष कुमारी रोका रहनुभएको छ ।
त्यसैगरी सदस्यहरूमा पुर्ण बहादुर बानियाँ, रमेश प्रसाद सुबेदी, धन प्रसाद रोका, पुण्य बहादुर चोखाल, टेक बहादुर बानियाँ, मनोज पौडेल, देबी प्रसाद छन्त्याल, मनु पुन फगामी, लक्ष्मी कुमारी केसी कार्की र रामजी शर्मा रहनुभएको छ ।
कार्यक्रममा निर्वतमान सदस्य सचिव बलबहादुर खत्रीले बार्षिक प्रतिवेदन र कोषाध्यक्ष पुनले आर्थिक प्रतिवेदन प्रस्तुत गर्नुभएको थियो । ८ औं अधिवेशन तथा १९ औं कार्यकारी सभाको बेनी नगरपालिकाका मेयर सुरत केसीले उद्घाटन गर्नुभयो । 
मेयर केसीले नगरपालिकाभित्रका धार्मिक पर्यटनको विकासका लागि सक्रिय रहेको बताउनुभयो । कोषको रकमलाई प्रभावकारी तथा पारदर्शी बनाउनुपर्नेमा जोड दिइएको थियो । काली गण्डकी नदी किनारमा ९ रोपनी क्षेत्रफलमा फैलिएको एउटै चट्टानमाथि अवस्थित गलेश्वरलाई विश्वकै अलौकिक धार्मिक स्थल भन्ने गरिन्छ।
