बेनीमा शुक्रबारदेखि रोइला कप गण्डकी प्रदेश स्तरीय बि लेभल र म्याग्दी जिल्ला स्तरीय सि लेभल ब्याडमिन्टन प्रतियोगिता शुरु भएको छ । जिल्ला ब्याडमिन्टन संघ म्याग्दी र बेनी नगरपालिका ब्याडमिन्टन संघको आयोजनामा दुई दिनसम्म सञ्चालन हुने प्रतियोगिताको गण्डकी प्रदेशका महान्याधिवक्ता चिरञ्जिवी शर्माले उद्घाटन गर्नुभयो ।
गण्डकी प्रदेश स्तरीय बि लेभलमा ३२ टिम र सि लेभल जिल्ला स्तरीयमा ४२ टिमको सहभागीता रहेको बेनी नगरपालिका ब्याडमिन्टन संघका अध्यक्ष सञ्जन शाक्यले बताउनुभयो ।
गण्डकी प्रदेश स्तरीय प्रतियोगितामा प्रथमलाई ४५ हजार, दोस्रोलाई ३० हजार र तृतीयले दश ÷दश हजार पुरस्कार पाउनेछन् । म्याग्दी जिल्ला स्तरीय प्रतियोगितामा प्रथमलाई २५ हजार, दोस्रोलाई १५ हजार र पाँच÷पाँच हजार पुरस्कार पाउनेछन् ।
जिल्ला खेलकुद विकास समितिका अध्यक्ष सुमन श्रेष्ठ, पुर्व अध्यक्ष दिनेश केसी, बेनी नगरपालिका –७ का वडा अध्यक्ष रमेश कुमार श्रेष्ठ, जिल्ला ब्याड्मिन्टन सघका अध्यक्ष सन्दिप अधिकारी लगायतको उपस्थितिमा प्रतियोगिता उद्घाटन गरिएको थियो ।
प्रतियोगिताको जिल्ला ब्याड्मिन्टन सघ म्याग्दीका सचिव सचिन शाक्यले सञ्चालन गर्नुभएको थियो । शनिबार दोस्रो चरणको खेल सञ्चालन भइरहेको छ ।
