तिलु शर्मा पौडेल/ दोहा कतार
म्याग्दी प्रवासी नेपाली सङ्घ (मोना) कतारले नयाँ वर्ष २०८२ सालको शुभकामना आदानप्रदान तथा आन्तरिक वनभोज कार्यक्रम भव्य रूपमा सम्पन्न गरेको छ l कतारको समालमा अवस्थित पार्कमा साङ्गीतिक प्रस्तुति सहित सम्पन्न कार्यक्रम सङ्घका अध्यक्ष बाबुराम भण्डारीको सभाध्यक्षता तथा मोना आइइसीका कोषाध्यक्ष नरेन्द्र फगामीको प्रमुख आतिथ्यतामा सम्पन्न भएको हो l
कार्यक्रम मार्फत कतार भ्रमणमा रहनु भएको मोना कतारका संरक्षक रमेश पौडेलका ममतामयी आमा टिका पौडेल र छोरा सुप्रिम पौडेललाई दोसल्ला ओढाएर सम्मान गरिएको थियो l 
कार्यक्रममा मोना कतारका संस्थापक अध्यक्ष प्रेम रसाइली, मोना कतार बहुउद्देश्यीय अक्षयकोषका अध्यक्ष विक्रम कार्की लगायत अन्य वक्ताहरूले शुभकामना शुभकामना मन्तव्य राख्दै म्याग्देलीहरुलाइ समेटेर मोनाले आन्तरिक वनभोज मार्फत म्याग्देलिलाइ जोड्ने काम गरेको बताए l
कार्यक्रमका संयोजक तथा सङ्घका वरिष्ठ उपाध्यक्ष देवी कँडेलले स्वागत मन्तव्य राखेको कार्यक्रममा आफ्नो शुभकामना मन्तव्य राख्दै प्रमुख अतिथि फगामीले मोना कतारले राम्रो कार्य गर्दै अगाडी बढिरहेको आफूले पाएको हुँदा मोनाका सकारात्मक कार्यमा आफ्नो सदैव साथ रहने प्रतिबद्धता व्यक्त गरे l महासचिव शिव खड्काले सहजीकरण गरेको कार्यक्रमको समापन गर्दै सभाध्यक्ष भण्डारीले भर्खरै निर्वाचित भएर आएको नयाँ कार्यसमितिले पहिलो पटक वनभोज कार्यक्रमको आयोजना गरेको र भविष्यमा म्याग्देलीलाइ जोड्ने अन्य थुप्रै कार्य गर्दै जाने बताए l उनले वनभोज सफल बनाउन आ-आफ्नो स्थानबाट सहयोग गर्नु हुने मोनामा आबद्ध तथा उपस्थिति म्याग्देली सहित सम्पूर्णलाई धन्यवाद ज्ञापन गरेका थिए l
