आज पनि सुनकाे भाउमा भारी बृद्धि भएकाे छ । साताकाे सुनचाँदीकाे काराेबार हुने छैटाैं दिन शुक्रबार नेपाली बजारमा सुनको भाउमा ३ हजार ९०० रुपैयाँले बढेर नयाँ रेकर्ड कायम भएकाे छ ।
नेपाल सुनचाँदी व्यवसायी संघका अनुसार यसदिन छापावाल सुन प्रतितोला एक लाख ८५ हजार रुपैयाँमा कारोबार भईरहेको छ । बिहीबारको बजारमा यस्तो सुन प्रतितोला एक लाख ८१ हजार १०० रुपैयाँ खरिदबिक्री भएको थियो ।
सुनको बिहीबारकाे मूल्यलाई उछिनेर एतिहासिक रेकर्ड बनाएको छ । बितेका दुई कारोबार दिनदेखि सुनको मूल्यमा भारि बृद्धि भइ रेकर्ड ब्रेक भएकाे छ ।
चाँदी तोलामा ५ रुपैयाँ बढेको छ । आज चाँदी प्रतितोला एक हजार ९०५ रुपैयाँमा किनबेच भइरहेको छ । बिहीबार बजारमा चाँदी प्रतितोला एक हजार ९०० रुपैयाँमा काराेबार भएको थियो ।
