बागलुङमा करेन्ट लागेर एक जनाको मृत्यु भएको छ । शुक्रबार अपराह्न बागलुङ नगरपालिका-४ ढोडेनी बस्ने सुरेन थापा मगरका छोरा १७ वर्षीय शिव थापा मगरको करेन्ट लागेर मृत्यु भएको हो ।
आफ्नै घरदेखि पाँच सय मिटर टाढा म्याग्दी जिल्लाको बेनी नगरपालिका-१ बेलबोट स्थित शिव मन्दिरको कम्पाउण्ड भित्र रहेको काब्रोको रुखमा चढी घाँस काट्ने क्रममा रुखको हाँगा नजिकै रहेको तेत्तिस हजार के.बि.प्रसारण लाईनको नाङ्गो तारमा छुन जाँदा उनलाई करेन्ट लागेको प्रहरीले जनाएको छ ।
करेन्ट लगोर गम्भीर घाईते भएका उनलाई उपचारका लागि धौलागिरी प्रादेशिक अस्पताल बागलुङ ल्याईएकोमा डाक्टरले मृत घोषणा गरेका थिए ।
