म्याग्दीको रघुगंगा गाउँपालिका–४,दग्नामकी गकुमारी अर्मजा (सानु)को घरमा खुशी गुमेको ९ बर्ष वितिसकेको छ । गकुमारी अन्नपूर्ण गापा–१ दोबाबाट सम्पर्कविहिन भएपछि छोरी उर्मिला र परिवारका अन्य सदस्य, आफन्तले खोजीकार्यका लागि अनेक प्रयास गरेपनि अझै भेटिनुभएको छैन ।
दोबाबाट हराएको करिब पाँचबर्ष अगाडी धवलागिरी गापा–४,मुदी आसपासका देखिनुभएको गकुमारीको खोजीमा हरेक प्रकारका प्रयास गरेपनि अबस्थाबारे पत्ता लगाउन नसकिएको छोरी उर्मिलाले बताउनुभयो ।
‘‘मुदीमा देखिनुभएको जानकारी पाएपछि हामीलाई अझै फर्किनुहुन्छ भन्ने आश पलाएको छ, खोजीकार्य जारी राखेका छौ’’ उर्मिलाले बेनीअनलाइनलाई भन्नुभयो ।
बेपत्ता गकुमारीको खोजीकार्यमा लागेका परिवारले कतै भएको सूचना दिनेलाई नगद ५० हजार पुरस्कार समेत दिने सूचना समेत जारी गरेका छन् । ‘‘जति बाटो हेरेपनि आमा फर्किनुभएको छैन, कतै देख्नुभयो भने हामीलाई सम्पर्क गरिदिनुहोला।’’ बेपत्ता ग कुमारीको हुलिया सहित जिल्ला प्रहरी कार्यालय सहित सम्भावित क्षेत्रमा सूचना समेत टाँस गरिएको छ ।
