काठमाण्डौमा शिक्षक आन्दोलनको आज २३ औं दिन पुगेको छ यो सुरुदेखि नै विभिन्न कार्यक्रम गर्दै निरन्तर जारी पनि छ यसरी आन्दोलन भैरहेको अवस्थामा विद्यार्थी र अभिभावकहरुको सोच त्यहि विद्यालयमा पढाई निरन्तर दिने होकी निजी विद्यलयमा भर्ना हुने दोधारमा रहेका छन्।
एकातर्फ माग लिएर शिक्षकहरु सडकमा अर्कोतिर विद्यार्थीहरु भविष्य लिएर अन्योलमा कक्षा १२ को वार्षिक परिक्षा वैशाख ११ बाट हुनु पर्नेमा परिक्षा सरी अर्को मिति तय भएको छ त्यस्तै चैत्र महिनामा सम्पन्न एस।ई।इ का कापि जाँच पनि सुरु भएको छैन।
कापि जाँच नहुँदा कक्षा ११ मा नयाँ भर्ना कार्यक्रम ढिला र परिक्षा नहुँदा स्नातक तह प्रथम वर्ष खालि हुने पनि संभावना देखिन्छ। यसरी आन्दोलन जारी रह्यो भने विद्यार्थी जति निजी विद्यालयमा भर्ना हुने कुरामा दुई मत नै छैन। देश त्यसै त युवा मुक्त हुने अवस्थामा छ। झन् यसरी पढाई रोकिदाँ विद्यार्थीको इच्छा विश्वविद्यालय होइन विमानस्थल हुने कुरा अवगत नबै छ।
एकातिर शिक्षक आन्दोलन अर्को तिर विद्यार्थीको भविष्य यो कुरा शिक्षक र सरकारले बुझ्न आवश्यक छ। आफ्नो आन्दोलन जारी राख्नुस पालो गर्नुस तर विद्यालय खोल्नुस रिजल्ट भर्ना कार्यक्रम नरोक्नुस यसै बिचमा शिक्षक संघ जिल्ला शाखा म्याग्दीले म्याग्दी जिल्लामा आगामी आइतबार देखि विद्यालय संचालन गर्ने कुरा एकदम स्वागतयोग्य छ।
आफ्नो माग पुरा नभएसम्म आन्दोलनमा सरिक हुने हो भने म्याग्दीको जस्तै निर्णय देशका सबै विद्यालयले गर्नु पर्छ भन्ने मेरो धारणा छ। त्यस्तै हिजो बिहिबार सर्वोच्च अदालतको माननीय न्यायाधीश श्री नहकुल सुवेदी ज्युको एकल इजलासले अधिवक्ता श्रवण कुमार चौधरी समेत पक्ष र प्रधानमन्त्री तथा मन्त्रीपरिषद्को कार्यालय काठमाण्डौ समेत विपक्ष भएको 081-WO-1155 को उत्पेषण रिट निवेदनमा भएको निर्णय एकदमै जायज रहेको छ। यसरी विद्यार्थीहरुको भविष्यलाई ख्याल गरी उनीहरुको भविष्य अन्योलमा नपारी विद्यालय यथासिघ्र संचालनमा ल्याउने वातावरण बनाईदिनु हुन आन्दोलित शिक्षक र सरकारसँग हार्दिक अपिल गर्दछु।
सचिव, स्वतन्त्र विद्यार्थी युनियन
म्याग्दी बहुमुखी क्याम्पस
